中環在線--蔡中虎：阿爺唔低B - 李華華
CF話如果阿爺真係勸佢退選立法會，咁即係代表驚佢贏硬咁話喎。程志遠攝
立法會就嚟改選，市傳保險界現任議員「波哥」陳健波連任掂硬，皆因阿爺出口勸退佢嘅主要對手、中銀人壽執行總裁蔡中虎(CF)。點知CF同華華講，佢都冇話過要出嚟選，所以阿爺都冇得出口勸佢退選；佢仲話，阿爺點會做啲咁嘅嘢吖。
對於呢個勸退傳聞，CF大力澄清，話都唔知啲人喺邊度聽番嚟，反而估計可能有人想放風逼佢出嚟選。而佢自己就仲未決定係咪再選，所以唔明點解會有「阿爺勸退選」嘅傳言。佢仲自辯話如果阿爺真係叫佢唔好選，咪即係當佢贏硬驚佢選到？所以叫大家「咪當阿爺咁低B」喎。
唔知嫁唔嫁好
CF叫華華唔使咁多揣測，皆因自己都未諗清楚嫁定唔嫁，雖然好多業界朋友認為佢要出嚟畀個選擇業界，但又怕家立法會嘅生態，未必咁適合佢呢亭人囉。咁究竟CF係怕激進抗爭，定係怕通宵開會呢？
上一則: 綠城高層：暫脫苦海
下一則: 中環在線：中國首隻全球債小加有功 - 李華華
中環在線 - 李華華 舊文
