投資的天空：炒股唔好睇指數 - 張士佳
大市繼續日升日跌的局面，睇日線圖波幅好似好大，但睇周線圖其實無跳出上周的區間。股份升跌比例昨日終於配合升市，市況比前幾天有所改善，不過當見到上升板塊較集中在一些弱勢股如內銀、電訊股時，又覺得似挾淡倉多過真升。如之前所言，期指大戶在缺乏對手之下，造上造落實在太容易，所以最好都係唔睇指數，免得左一巴右一巴。
過去幾天部份強勢板塊開始有回吐壓力，較明顯的是內房股，其調整源於國家統計局周二公佈，內地70大城市的新商品房價格終止連續八個月跌勢，令市場憂慮中央會再加強調控政策。然而，內地經濟增長放緩，某程度上是因今年房地產投資有所減慢，因此如果再嚴厲出招，亦會為下半年經濟表現造成壓力，我們亦只好觀望中央行動。
至於近日持續轉強的板塊，則要數鐵路股及內險股，大家都知內地如想穀起個GDP，好多時都會靠基建投資，連總理溫家寶都開聲話要在鐵路領域做啲嘢，這板塊絕對要緊貼。內險股衰咗幾年，近日終有點翻身迹象。既有一公司的「假盈警」顯示，第二季表現比第一季大大改善；另有一公司表示主業負增長勢頭得到遏制，並開始轉好。市場或對板塊重估，值得望多兩眼。
張士佳
寶來證券(香港)資產管理部董事
與曾卓鋒(寶來證券業務經理)聯合執筆(逢周三、五刊出)
上一則: 青心直說：越地越房好事近 - 胡孟青
下一則: 外幣兌港元
投資的天空 - 張士佳 舊文
