中環在線：財演偷食靚仔當災 - 李華華
金魚缸靜過鬼，最適宜諸事八卦，近日財經圈就八緊邊位財經演員偷食。消息一出，一位離婚再娶的中年靚仔財演即刻俾人點名，講到真?一樣。但聽聞真正偷食?呢位財演絕不靚仔！
傳聞中「偷食財演」年過40，曾經低位買入一個九龍站凱旋門單位，平時多數?圓方出沒。咁蹺有位中年「靚仔財演」近年轉過兩次會，加人工令佢發過豬頭，令人感覺佢實買起得凱旋門，加上佢離婚再娶，被標籤「用情不專」，再去偷食都唔出奇。
華華唔敢百分百肯定「靚仔財演」有冇再偷食，但佢家陣呢位太太就確實得佢好實(唔知係咪擔心佢又離婚再娶)，兩公婆星期一至五放工一定等埋食飯，一齊返歸，星期六、日放假例必行孖咇。偶爾「靚仔財演」出差，太太都一定跟埋去，仲之好似人肉跟蹤器咁，呢位財演想偷食應該都要諗爆頭。
凱旋門作金屋 十分有米
而且「靚仔財演」鍾意買衫、買相機多過買樓，一直租樓住，都唔似會買個凱旋門?偷食，自己就租樓住咁奇怪。
傳聞中的「偷食財演」其實唔係靚仔，但係肯定身家豐厚，事關家陣一個最細五百幾呎?凱旋門單位都要成千萬，淨係呢個單位已經令佢賬面賺唔少。
不過咁，財演界有兩位人士指點華華，叫我唔使花時間搵邊個偷食，應該調番轉，搵邊位已婚男財演冇女朋友喎。
【偷食財演特徵】
年齡：逾40歲
身家：相當豐厚
出沒點：圓方
李華華
mailto:LiWaWa@AppleDaily.com
上一則: 國策透視：三角債重來的啟示 - 郭小民
下一則: 中環在線：港交所活化展覽廳 - 李華華
中環在線 - 李華華 舊文
