中環在線：高寶明過檔民行拉隊開荒搞投行 - 李華華
高寶明
設計圖片及對白
派傑亞洲(Piper Jaffray)上月底正式結業，前話事人高寶明(Alex)終於可以放假遊埠去，聽聞Alex放完假後，會帶大概10位派傑舊同事過去民生銀行(1988)返工，幫民行?香港成立個投資銀行部門，同其他中資行爭一日之長短。
放一個月假先返工
Alex今年54歲，雖然已經搵夠，但未諗住退休嘆世界。佢冇直接承認放完假之後會去民行，但指民行的確有計劃?商業銀行以外，發展一個金融平台，不過家陣個市唔算旺，佢都要見步行步，暫時唔肯講有乜大計或者幾時正式返工，至少要放番一個月大假先講。
查實早幾個月，市傳派傑亞洲母公司派傑打算賣走香港業務時，就曾經傳過廣發證券同民生銀行先後同派傑傾過，但因為價錢問題而傾唔掂數，派傑亞洲?8月底已經遣散約70名員工，留低約10人善後，上月底先正式結業。
按最新情況來看，民行真係好有心做投資銀行生意，不過就唔想咁貴買曬成間派傑亞洲，只係想要佢?人。雖然買間派傑亞洲過來可以轉頭就開始做生意，但家陣個市咁差，都唔使咁心急開檔，請班人過來由零開始，可能除笨有精，話唔定明年開檔時，個市生猛番曬，財源滾滾來！
李華華
mailto:LiWaWa@AppleDaily.com
上一則: 亞開行唱淡中國經濟
下一則: 中環在線：冒牌花旗職員也跑數 - 李華華
中環在線 - 李華華 舊文
