中環在線：招牌大玻璃搞掂希慎蘋果快熟了 - 李華華
希慎蘋果店最快下月開
銅鑼灣新地標希慎廣場開?三個幾月，話題租戶之一「誠品」已經好多人去逼過，成班蘋果迷等到頸長?蘋果店(Apple Store)始終未見真身，地下至三樓個位一直用帆布圍實，乜都睇唔見。最近聽聞裏面裝修差唔多峻工，開業有望了，蘋果迷準備定去朝聖、購物都得?。
希慎廣場8月初開張，傳說中蘋果店個位一直封住，就連九龍塘又一城第二間蘋果店都?9月底開埋，呢間希慎廣場蘋果店仲係冇動靜、冇聲氣，外面睇，依然封住曬。
一般租得過千呎大舖?商戶，頂多用三個月裝修就會開張做生意，呢間蘋果店搞咁耐都未開，聽講同蘋果高層要求高有關。蘋果高層對於蘋果店裝修佈置非常緊張，即使係一塊磚，質素過唔到即換，一幅由地下直到三樓?大玻璃，佢?亦好緊張，事關落地玻璃係蘋果店標記之一。
■希慎蘋果店幾時開張，相信希慎同一眾果迷同樣著緊。梁志永攝
■可能地點問題啦，又一城蘋果店客人唔算多。司徒世華攝
或趕及年底開幕
好似話，呢幅大玻璃經已裝好，成間希慎廣場蘋果店?裝修亦差唔多完成，離開張之日不遠矣！蘋果迷即管睇嚇有冇機會?呢間店買聖誕或新年禮物。但最開心?應該係業主希慎(014)，市傳蘋果店月租500萬，希慎有租收，又可以吸引到更多人行個商場，一舉兩得。
李華華
mailto:LiWaWa@AppleDaily.com
上一則: 鞍鋼擬轉換資產「續命」
下一則: 中環在線：22%股東唔like彤叔孫女 - 李華華
中環在線 - 李華華 舊文
