青心直說：千外有千咪懶醒 - 胡孟青
有打算落疊近期隻茶餐廳IPO的受訪者，理由竟然係話該股多人識，但經驗告訴我們，多人識係冇用?，關鍵係要睇佢肯唔肯畀錢你賺。在香港做餐飲，唔好以甚麼「翻?率」或「翻座率」去擾亂散戶思維，實際?，香港租金成本貴，人工又貴，還有上升中的最低工資，政演更要將之喪穀至35蚊，但相信這個時薪水平仍難請人，最後就係食材貴，三座大山越生越高，越來越難克服，呢盤生意，搵你去做！
投資市場利益掛帥
茶餐廳太子爺一言驚醒，原來翠華(1314)較麥當勞更早玩廿四小時營業，可惜有些股票，我係絕不會沾手，不過就會好好去欣賞人家搵錢?方法。
彤叔連續四日連環減持，還要蝕住閃，已經給大家幾個好重要的訊息，就係唔好信名人，無論佢係買股票抑或係畀股票你炒的名人，第二就係唔好信以自己被視為「財演」而沾沾自喜的名嘴，因為眼見彤叔輸住走銀基(886)，竟然仍有敢以「值博」兩字作為叫人上車理由者，雖然在sell你的推介中已叫你止蝕，可惜開市價已跌穿止蝕位，閣下誓要去、入刀山的話，唔該下一次你自己跳入去，不要再當眾吹雞！彤叔?住隻佐丹奴(709)只買不沽，不經不覺已經?住25%，又唔見你叫人正正經經買番件？
香港地，企業家唔係冇，但只係好少數。可惜世風日下，投資市場中，不少都係自私自利小喇叭，個人利益掛帥，賺錢跟你分身家？想問句你係老幾？最慘情係人家冇sell你，你都要自以為是自己衝埋去，以為自己上得刀山，精靈醒目身手不凡轉身快，具備老千氣質，只是就算大家都係老千，一旦遇上千王之王，你就未必夠人千，與其不自量力與之格鬥，倒不如向對方好好請教學習，最佳例子，有人可以成功將一隻市值2000幾億元的上市公司大龜變細龜，玩到最後剩低200幾億元，仲要保得住藍籌之身，佩服！佩服！
胡孟青
獨立股評人
上一則: 財智語陸：巨無霸新股怎炒起 - 陳永陸
下一則: 投資一周：升呢做翠華專家 - 周顯
青心直說 - 胡孟青 舊文
