中環在線：宅男宅女使錢冇底線淘出一萬億 - 李華華
近年唔少sell內地概念?零售股俾人沽到冇朋友，主要原因都係話內地經濟放緩，消費減弱，但事實又未必係咁。阿里巴巴集團噚日就公佈?今年頭11個月，旗下淘寶同天貓?交易額，竟然突破10000億元(人民幣．下同)！
就咁除開11個月，即係平均每日交易額接近30億，咁?消費力，點能夠話消費減弱呢？各大零售股老闆睇見呢個數，係咪應該諗計，點樣?呢班鍾意網上購物?宅男宅女身上埋手呢？
10萬億市場要靠千萬大軍
阿里icon馬雲大膽估計，1萬億只係剛剛開始，佢話內地電子商務市場正步入10萬億大關。要支持10萬億呢個網購市場，必須有1000萬位速遞專員支援，即係話，網購直接同間接造就超過1000萬人?飯碗！
淘寶網03年成立時，全年交易額得2271萬，翌年去到10億，家話10000億，聽落匪夷所思，但查實唔好話內地人，香港人近年亦越來越鍾意淘寶，華華身邊就有好多朋友日淘夜淘，除?平至幾十蚊?衫褲鞋襪、兒童書籍，有新郎哥甚至用幾舊水買套私夥禮服，200蚊亦可以淘隻靚錶番來，真係乜都可以淘一餐?！
李華華
mailto:LiWaWa@AppleDaily.com
上一則: 樂香園：時間廊烏鴉變鳳凰？ - 海迪
下一則: 中環在線：博裕係曼聯？寶光要偷師 - 李華華
中環在線 - 李華華 舊文
