中環在線：當年5.3億成交「大款」走數乾隆花瓶貶值53% - 李華華
■1997年黃月鶯買地唔畀錢，至今仍然係香港賣地場上經典事件。
唔知大家仲有冇印象，2010年一個流落英國?乾隆花樽，?當地一個拍賣會以5.3億港元(連傭6.45億)破紀錄成交，神秘買家係一名內地大款，正當大家哇哇聲之際，原來呢位神秘買家拍完之後冇畀錢，搞到賣家空歡喜一場。
作價2.5至3.1億元
英國《金融時報》噚日報道，呢件乾隆粉彩黃地花卉鏤空開窗遊魚瓷瓶，最近透過另一間拍賣行以私人合約形式賣出，傳聞成交價2.5至3.1億港元(2000萬至2500萬英鎊)，雖然低過上次?紀錄42%至53%，但總算真正賣得出。
呢件古董真係有段古，?佢出來賣?兩兄妹可謂無端端發達，佢??已故父母舊居執?時，無意中發現個花樽，收埋?間屋約70年。
有人估計，呢類古董係清朝時，中國被列強瓜分時伺機搶走，繼而流落歐洲民間。
2010年?次拍賣由紀錄成交變成流料之後，2011年開始，中外拍賣行都要求生客落定，定金一般係競投品價值兩成左右，以防再有人搞事或者拍完唔認數。
查實香港1997年樓市高?期亦有單「黃月鶯事件」，精神病患者黃月鶯聲稱係和黃(013)董事，以8.9億奪得一幅九龍灣地皮，事後梗係冇錢畀啦，事件令到地政總署要修例，要求競投者畀定同登記先可以舉手。
李華華
mailto:LiWaWa@AppleDaily.com
上一則: 國策解碼：為何李克強為城鎮化降溫？
下一則: 中環在線：李小加班馬立會撐夜期 - 李華華
中環在線 - 李華華 舊文
