投資的天空：散戶短炒唔敢坐 - 張士佳
今年港股一來就有個好開始，第一個交易日升至23000點，大家都唔會覺得驚奇，不過，一下子上到23300，相信無幾多個人可以估到，始終港股在財政懸崖前已遠比外圍強勢，理應反映了部份對財政懸崖能順利解決的預期，點知竟可越升越有。
睇返呢兩日上升的股票，真係百花齊放，好似之前在本欄組合買過的豬肉股，相信無太多人睇好，就連自己都話佢前景唔明朗，只係適宜短炒，但在一片炒風下，已成功到達當時目標價有凸，就知市場氣氛幾熾熱。
無他，市場上總有人怕黑天鵝，即使唔係造淡，相信亦在元旦前作出減持或做了對沖，不要誤會筆者認為他們的做法是錯，風險管理是做倉非常重要的一環。
想說的是，正因市場唔少基金持貨不夠多，見到指數爆升，為免跑輸，基本上是被逼追貨，所以就算連藍籌大股，不少都有5%以上的升幅，在市場一片恐慌搶股聲下，怎會不雞犬皆升？
期指好倉已收割
港股前日急升逾600點後，不少人已估昨日會有調整，結果期指再升逾200點。不過，如果用散戶心理做指標，個市再升多一浸實在唔出奇，散戶的參與度雖有提高，但多數都係短炒，真正夠膽追完坐貨的不多，那大戶說不定會利用此心態進一步推高大市，否則便無法請君入甕。
但無論如何，由於已到達筆者先前的期指目標23200，所以手上的衍生工具好倉前日已收割，而股票則繼續坐定定，始終覺得升得有點急，也無謂?住衍生工具了，現階段要做的實在不多，繼續?住股票先，望有調整才利用手上子彈再部署。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：SOHO打倒昨日的我 - 胡孟青
下一則: 炒友Blog：TCL多媒體績優價平 - 邱古奇
投資的天空 - 張士佳 舊文
