中環在線：食正1314翠華情人節飛天 - 李華華
■查實情人節食翠華都唔失禮，話曬都係貴價?，不過要另一半陪你食風排隊就爭?喇。關震海攝
百物騰貴年復年，噚晚情人節唔少情侶都冇揀到高級食肆，反而?翠華(1314)食情人餐，銅鑼灣分店仲排長龍，上市編號「一生一世」?翠華生意應該幾好，噚日仲大升6個巴仙，收3.67元，股價創上市以來新高，老闆李遠康肯定好高興。
■內地研究生王先生話，去?好多間餐廳都冇位，所以惟有排隊同女友食翠華囉。
CEO：冇睇股價
話時話，華華年初一行落中環，發現翠華分店忽然收加一，等位人龍仲排到水蛇春咁長，相當誇張。華華問過集團CEO駱國安，原來每年新春紅日，翠華都加收10%服務費，絕對唔係變相加價，仲話年初一中環生意都咁好，佢「意想不到」。
■張德熙話送金條畀太座，唔知係幾多條呢？程志遠攝
張德熙講心又講金
咁股價創新高又點睇呢？駱國安竟然話「冇睇」，但佢就講笑咁講，話可能有人趁噚日情人節送翠華股票畀女朋友，所以股價被炒高，而有唔少option?佢仲打算將好消息同太太開心share𠻹。
接觸得財經資訊多，話唔定影響埋送禮喜好。好似金銀業貿易場噚日蛇年開爐，兼推出新產品五?重4條9足金金條(市價約八萬幾)同埋銀條(市價約二千幾)，理事長張德熙不忙硬sell新產品，話準備?金條送畀太太做情人節禮物，但就話期望太太識做，回贈銀條畀佢喎。
之不過，本港現貨金噚日低開低收，咁份情人節禮物咪即刻縮水？但正所謂情比金堅，華華相信張太都唔會介意?。
李華華
mailto:LiWaWa@AppleDaily.com
上一則: 樂香園：內地零售唔多掂 - 密西比
下一則: 中環在線：周松崗龍蛇混淆 - 李華華
中環在線 - 李華華 舊文
