投資的天空：博完紅盤要減磅 - 張士佳
新年後首次與大家見面，士佳先祝大家蛇年行大運，年頭旺到年尾。
在長假期間，外圍造好，標普500指數更創出五年來收市新高，帶領港股昨日成功紅盤高開。睇返過往歷史，包括昨日，由1987年開始至今27次，期指能夠在農曆新年後紅盤高開已佔22次，其實我以前亦曾提及此數據，所以本欄的長期讀者應不會對高開太意外。
期指紅盤十連陰
期指亦一如過往復市大部分時間的表現，做支陰燭收市，唔講唔覺，原來今次已經係連續第10年陰燭收市。或者係反映投資者博完紅盤高開後，無論勝負都先平倉，以致冇足夠購買力再推高大市，不過昨日個股表現算是不俗，並未太受假後較淡靜的氣氛所影響。
上周五提及見陽燭可吸納的濠賭股，昨日表現算是不過不失，有升逾5%的，亦有逆市微跌的。冇辦法，部份濠賭股上周五的陽燭甚大，彷彿人人都在博此板塊開紅盤，所以昨日濠賭股表現唔太突出都好正常。
有報道指由年廿七至年初三，經各口岸到訪澳門之內地旅客高達44.3萬人次，較2012年農曆新年同期升28.3%。雖然好多人一直驚澳門博彩業有泡沫，但事實上不論公司業績或行業數據都持續造好，所以如先前所言，放一個較遠的止蝕位，控制注碼，?嚇無妨，始終認為整頓疊碼仔這類傳聞，實不足懼。
說回大市，博完紅盤高開，衍生工具好倉亦需要減一減，唔係怕大跌，只係在現水平，唔敢講調整已完成，同時又不似可以一下子向上衝，所以不如減注。
當然，這些都是短線操作，不好此道的投資者，就應該像曾教授般，專心揀股，坐一個牛市，中途的升升跌跌閉了眼就算。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆(逢周三、五刊出)
上一則: 青心直說：內地金融業畸形 - 胡孟青
下一則: 炒友Blog：折讓過大嘉國吼低買 - 邱古奇
投資的天空 - 張士佳 舊文
