金手指：誰令南早停牌？ - 孫柏文
真係唔話自己勁都唔得！三個禮拜前，孫柏文叫大家「一注獨贏CEC」，因為CEC(759)當時股價0.62元，經營759阿信屋，賣零食為主，由於日本來貨同市值超細，得?幾億元，所以會因為日圓貶值同開始被人留意所以升。仲要一個禮拜後，用多篇題為「點解要追CEC」去提大家，懇求大家去買。咁噚日，CEC最高見1.28元，差兩仙我就到價。升幅有一倍。
大家當然會問：「仲有冇？」咁我仲有幾隻?watch list，其實今日呢篇文原本條題係「一注獨贏南華早報」。南早(583)係我個朋友天藍?愛股，一路話佢冇理由股價對資產淨值咁大折讓。
因為大股東Kerry(即郭鶴年)有批認股權證2月底到期，唔用就變牆紙，如果行使，又會過七成五股權，一係博佢配股減持，一係就提私有化。因為幾年前提私有化失敗，又買到過八成五，用財技暫時解決過七成五。當時用呢?低招又冇人鬧，係因為08年底09年初，做財經新聞?人比較忙。
今次佢一係股價對資產淨值大折讓咁配股，一係提私有化。如果再用財技，夏佳理、李國寶等南早獨董點代表小股民呀？08年提私有化，都出2.75元，上個禮拜得1.70元。
高開後落閘買唔到
好啦，我都覺得有機會私有化，咁點解我唔叫大家「一注獨贏南華早報」？因為上個禮拜五，《爽報》財經版「主播心聞」專欄?梁心欣問我，點解南早有機會配股都升時，我問佢：「佢?唔配股?話，可以點？」點知佢噚日?個欄度話：「不問價追南早」仲要話係博佢私有化。噚日?冇其他人寫兼冇新聞?情況下，南早先裂口高開，最高升三成，之後南早停牌。梁心欣支筆，搞到上市公司停牌呀！
牌都停埋，冇得叫大家買隻買唔到?股票。「一注獨贏」惟有留番下個禮拜先啦。
孫柏文
獨立股評人
本欄逢周二刊出
http://facebook.com/shuen
上一則: 青心直說：金融改革最實際 - 胡孟青
下一則: 炒友Blog：遠東宏信上望七元 - 邱古奇
~TITLE_S~金手指 - 孫柏文 2013年2月19日 舊文
