中環在線：路易十三國王定幹邑？保華「易」威名 - 李華華
上市公司因易手、轉型而改名，閒過立秋，好似長和國際(009)同延長石油(346)仲改得十分過癮，新近由「地盤股」變身做「賭神股」?保華建業(577)，噚日亦建議改一個好威水?名，叫做路易十三(Louis XIII Holdings)！
路易十三係乜東東？熟悉歷史?人應該知道，佢係十七世紀法國波旁王朝國王，亨利四世長子，在位33年，打仗好叻，贏?歐洲「三十年戰爭」，令法國成為新歐洲霸主。可惜佢英年早逝，唔夠42歲就上天堂。
喜愛杯中物?人應該一聽就諗起?支過萬蚊?幹邑。一般VSOP要?橡木桶存五年先入樽，XO要存15年，路易十三就要存足60年，可知路易十三?酒界幾咁巴閉。保華建業新老闆洪永時究竟想打低其他賭場，做濠江霸主，還是想做到好似呢支酒咁巴閉呢？
卡撒天嬌取自馬名
講開改名，床單被鋪股卡撒天嬌(Casablanca，2223)個名原來都有段古。副主席鄭斯燦話，當年佢同阿哥覺得床上用品生意有得做，於是一齊創業，兩兄弟?咖啡店左度右度改名，店內突然響起《Casablanca》呢首歌，於是就撲槌。中文名就來自一隻跑出?馬名「卡薩天驕」，貪佢好意頭，譯音又相近。
李華華
mailto:LiWaWa@AppleDaily.com
上一則: 國美大家電銷售超預期
下一則: 中環在線：法拉利卡碌車冇折 - 李華華
中環在線 - 李華華 舊文
