中環在線：港交所牛一李福兆變風頭躉 - 李華華
港交所(388)舊年六月慶祝上市12週年時，宣佈斥資過百億元收購倫敦金屬交易所(LME)，噚日挾住LME話事人身份慶祝13週年，果然係威係勢，除CY畀面做主禮嘉賓，股壇校長李福兆、殼後朱李月華、鷹君(041)主席羅嘉瑞都有捧場，星光熠熠。
■港交所13週年酒會，有850人出席。
噚日港交所?金鐘一間六星級酒店包場搞慶祝酒會，現場有成850名嘉賓，相當墟?。
嘉賓變龍友影相
嘉賓多之餘仲要有份量，好似近期曝光率高??李福兆，佢傍晚六點左右出現，一到場就變明星，吸引唔少嘉賓拎起手機影相，好多資深?金融界人士輪流捉住佢傾偈，就連CY都相當尊重呢位前輩，?台上祝酒完畢，落台後專登走去同李福兆握手，寒暄幾句先走人。
CY見校長
■CY專登走去同股壇校長李福兆say hi 。程志遠攝
嫣紅
■朱李月華
奼紫
■梁高美懿
眼見李福兆精神不俗，逗留約一句鐘，酒會完結後才離開。1986年四會合併，佢當選為聯交所主席，離港多年，今次應該係佢首次參加港交所週年酒會，唔知佢有冇百感交集呢？
前恒生(011)一姐梁高美懿就首次以港交所董事身份出席酒會，身為主人家一份子，佢亦著得靚靚迎賓。
金利豐(1031)老闆娘朱李月華亦好畀面，唔止留到酒會差不多完結，衣著打扮又比之前出席酒會樸素，明顯唔想搶主人家風頭。佢笑言，唔知係咪因為買?LME，感覺今年港交所上市週年酒會迫?好多囉。
李華華
mailto:LiWaWa@AppleDaily.com
上一則: 樂香園：一場可控的金融海嘯 - 海迪
下一則: 中環在線：千萬增持東亞李家傑撐寶哥哥 - 李華華
中環在線 - 李華華 舊文
