中環在線：再中籤買馬榮智健愛熱鬥小馬 - 李華華
■設計對白
中信泰富(267)前主席榮智健重返馬場?意欲相當之強，點解咁講？榮智健舊年有隻新馬「奔月」到港，可惜未曾出賽已經退役，呢種情況?馬場閒過立秋，榮智健轉頭又買過隻馬，新馬最近抵港，名都未改。
澳洲新馬仲未開操
榮智健養過唔少好馬，其中兩隻「活力先生」同「奔騰」屬於九十年代馬王，帶挈榮智健成為贏大賽馬主。不過，中信泰富2008年爆出炒?外?Accumulator，榮智健翌年辭職後，佢越來越低調，甚少公開露面，近年亦鮮有出入馬場。
佢舊年買?隻英國馬，點知未出賽已退役，但係唔緊要，最近再有新馬落地，係3歲澳洲馬，仲未開操，未知幾時出賽。馬會噚日公佈中籤買馬名單，榮智健亦榜上有名，可見榮智健對養馬仔呢個玩兒，興趣依然濃厚，大家都想再見到佢拉頭馬?風采?。
潘祖明首次個人買馬
除?榮智健，思捷(330)前掌櫃、現任財務?報局主席潘祖明亦中籤可以買新馬，佢有同朋友夾份養團體馬，個人買馬應該係第一次。管數、查數佢一定掂，唔知揀馬、養馬?運氣又如何，即管拭目以待。
李華華
mailto:LiWaWa@AppleDaily.com
■潘祖明亦中籤可以買新馬，睇嚇佢揀馬眼光掂唔掂喇。
上一則: 中鋁礦業五礦擬390億拓秘魯
下一則: 中環在線：馬雲再掟華誼袋近億元 - 李華華
中環在線 - 李華華 舊文
