中環在線：幫港機賣廣告財爺叫人學維修飛機 - 李華華
■曾俊華
財爺曾俊華?網誌幫港機工程(044)大賣請人廣告。港機工程舊年底發盈警，唔係因為冇生意，而係因為冇人用，唔夠熟手同半熟手技工，所以有生意都接唔到，碰?今日中學文憑試放榜，鬍鬚曾?網誌鼓勵學生之餘，竟然?文尾向學生介紹飛機維修業，仲唔係幫港機幫到出曬面？！
鼓勵學生有其他選擇
中學文憑試(DSE)今日放榜，鬍鬚曾?網誌例牌鼓勵學生，話自己讀書?陣，都試過唔知前路係點??種迷茫，指自己?學校唔係最聰明、最勤力或成績最好?學生，但勝在識得考試雲雲。佢又都係?句，指大學以外，學生仲有好多值得考慮?選擇。
講到呢度，佢就?末段話「特別想向大家介紹飛機維修業」，指香港機場每日有過千班機升降，業界對飛機維修?人力需求非常殷切，業內培訓完備，又有完整晉升階梯，係年輕人一個不錯?選擇。
呢段文比廣告更廣告，差在未寫埋人工高，福利好，年終有雙糧之類咋，港機真係要多謝財爺啦，無端端幫佢大賣請人廣告，財爺都話好，仲唔係好工？
sell《衝上雲霄II》
除?港機，TVB都要多謝財爺，事關財爺講完飛機維修業，仲提到今晚有套講飛機師同飛機維修?電視劇首播(即係《衝上雲霄II》)，佢仲期望套劇可以「感召」更多年輕人投身航空業，衝上雲霄咁話。
睇見財爺咁識硬銷，佢應該快手過兩招畀?局長，等佢?推銷新界東北發展、擴建堆填區時，唔使踫到一鼻灰啦。
李華華
mailto:LiWaWa@AppleDaily.com
上一則: 樂香園：A股「暴力哥」 - 密西比
下一則: 中環在線：港機版胡杏兒叻女 - 李華華
中環在線 - 李華華 舊文
