中環在線：獲中大頒榮譽博士寶baby全家撐場 - 李華華
寶Baby做博士全家撐場
噚日係中大50周年校慶，校方趁住呢個大日子頒發5個榮譽博士學位，除?前律政司司長黃仁龍、「沙士英雄」鍾南山之外，銀行界代表有東亞銀行(023)主席兼行政總裁李國寶，寶baby獲頒榮譽社會科學博士學位。
呢個咁高興?日子，寶baby當然全家一齊撐場啦，寶baby兩位公子李民橋、李民斌仲帶埋老婆出席。唔怪得李民橋呢個星期冇跟銀行公會上京滬啦，自從佢同細佬逐步接棒之後，近年都係由佢代表東亞參加銀公訪京滬團，今年改由副行政總裁唐漢城代勞，原來係要留港支持阿爸。東亞老臣子、現任東亞中國副董事長陳棋昌都有現身，當然唔少得前中大校長、寶baby細佬李國章。
■東亞主席李國寶獲中大頒發榮譽社會科學博士學位。羅君豪攝
後生搞生意幫同學識女仔
典禮由寶baby打頭陣，佢上到台之後，司儀用?5分幾鐘作介紹。寶baby經營銀行叻就係人都知，原來佢亦多才多藝，?英國劍橋讀緊書?時候，曾經幫戲劇俱樂部「劍橋之燈」寫短編劇本，仲係寫幽默諷刺小品。
唔只識寫劇本，寶baby當年已好有企業家本色，諗到橋幫同學識女仔之餘，佢又可以賺錢。話說舊時英國女仔多數讀女校，又冇乜社交場合可以認識後生仔女。寶baby於是就租?原本係穀物買賣場?劍橋音樂廳做周末表演廳，邀請佢?音樂家朋友去?度表演，吸引唔少男女聚腳，寶baby因此賺?唔少，仲變成社交紅人。後生已經咁受歡迎，難怪寶baby?政商界如此長袖善舞。
李華華
mailto:LiWaWa@AppleDaily.com
李民斌李民斌太太馮靈針
李民橋李民橋太太Bonnie
李國章
足本收睇《亂?24》x 陳慧琳；之後有請搞笑孖寶鄭中基穀德昭玩轉再玩轉！
周一至周五《亂?24》約定你：http://bit.ly/appletalk24
上一則: 電子商趕搭智能快車
下一則: 中環在線：莎莎老闆俾老婆詐型 - 李華華
中環在線 - 李華華 舊文
