中環在線：機管局開會羅康瑞傳激氣辭職 - 李華華
■羅康瑞今年初被委任為機管局董事後，曾盛傳佢將接任主席。
機管局主席張建東最近開會火拼「梁粉」董事羅康瑞。羅康瑞今年初被委任為機管局董事後，盛傳佢將接任主席，點知張建東上月底獲續任一年，本月初開董事會，張建東一句「我仲係主席」，就激到「上海姑爺」羅康瑞即場話劈炮，未知點收科。
機管局本月1號召開董事會，商討點樣發展機場島上?高球用地，初步建議將呢幅土地發展為商業地產項目，地底就建設無人駕駛列車車廠，以配合興建第3條跑道，但顧問認為，地底建車廠會減低土地?商業價值，建議搬走車廠。
據聞，張建東與羅康瑞?呢件事上各持己見，張建東認為搬走車廠影響整個第3條跑道規劃，地產出身?羅康瑞當然以土地價值行先。
雙方拗到面紅耳熱之際，張建東以比較重?語氣爆出一句「我仲係主席，我話唔批就唔批」，搞到現場氣氛僵曬，全場人都唔敢出聲。政府係大股東，羅康瑞問運房局同財庫局官員意見，點知當日運房局局長張炳良與財庫局局長陳家強皆缺席，代為出席?副手完全唔敢畀意見。
■張建東上月底獲續任機管局主席一年。
今日再開董事會
聽聞有人即時聲援張建東，話羅康瑞𠵱家只係董事會成員，有人又叫佢唔使搵政府幫手。上海姑爺可能一時為之氣結，即場話唔撈，仲好似已經去信董事會。
其實，羅康瑞今年初加入機管局後，開會不時與張建東刀來劍往，羅康瑞係梁粉，盛傳等到張建東明年中任期屆滿接任，原本形勢比人強。點知CEO許漢忠因評標風波提早辭職，明年7月走，有人擔心主席與CEO前後腳走影響第3條跑道進展，張建東獲續任一年，形勢即刻逆轉。
機管局今日再開董事會，花生友可以買定花生了。
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: The Business of Art：By the way，本作由蘋果贊助 - 楊天帥
下一則: 中環在線：2,100件藝術品巡遊 - 李華華
中環在線 - 李華華 舊文
