前景堪憂
2014/2/25 上午 09:31:04
網誌分類: 經濟
滙控(005)昨日派成績表，業績認真唔靚仔，全年稅前盈利只有225.65億美元，增長9%，遠差過市場預期的中位數246億美元。
匯控CEO歐志華係炒王出身，佢最明白市場要什麼，就畀什麼的道理，依家東湊西湊到畀唔出，反映匯控底子真係好弱。睇匯控業績報告，賺得最多錢的業務部門係「炒房」，盈利貢獻最大的地區係香港，接近81億，佔了總盈利36%，這都不是健康的現象。
匯控年內節省成本49億美元，亦較去年大減撥備三成。所以好大部份盈利都係靠節支而來。問題在於匯控靠「慳家」食糊，已經玩?魖漶B三年，仲可以繼續落去嗎？市場依家最擔心的是，匯控今期盈利遠不及預期，盈利似乎已經見頂，再發展落下，未來好有可能會逐步回落。
固然，我們唔可以盡往壞處想，匯控未來盈利或者會有改善的機會，有的話，相信會係來自歐洲業務改善，以及美國加息，息差改善，可以直接提高利息的收入。長期而言，匯控可以等這個運到，但又唔好忘記，歐洲經濟未來即使會有所改善，但銀行監管亦愈來愈嚴厲，此消彼長，匯控的前景始終都係一般，好難有大突破。
匯控股價過去一年，都在90元及80元之間上落，最近三個月高位更係續級向下，9月跌突88元，11月跌穿87元，年底前跌穿85元。市場正擔心呢個向下走的勢頭仍會持續。
匯控業績唔好，打擊香港大市氣氛，另一邊廂，內地傳出銀行收緊房貸，內房股即時腳軟，多隻內房股大大插6%至9%，有分析甚至在報紙上話「聽到冰山碎裂的咔嚓聲」咁誇張，房企係銀行主要大客，借唔到錢，內銀股亦無運行。在內房及內銀拖累下，內地A股昨日大跌1.7%，恆指亦跟插170點。
亞洲股市唔得，美股卻大發神威，一洗上周的呆滯頹風。早段受到拖累，但好快就止跌回升，標普500指數中午更創了歷史新高，升至1859點。尾市回順，收市升11點至1848點，漲幅0.6%；杜指收市升104點至16207點。
陸羽仁
回應(5) 我想回應
陸羽仁 BLOG 舊文
