中環在線：九展設戲院搶做首映禮胡文新借明星旺場 - 李華華
■去年第九屆華鼎獎?九展舉行，活動當日請來韓國影星李秉憲(右)與韓佳人(中)參與。資料圖片
合和實業(054)太子爺胡文新(Thomas)除?顧住公司生意，對冰球同娛樂事業都好有興趣。新近佢就?九龍灣國際展貿中心自設戲院，希望利用九展門外有條寬闊路面?優勢，吸引電影商多搞首映禮等紅地毯活動，借明星帶旺個場。
Thomas透露，2006年翻新九展時，已經想搞演唱會場地同埋戲院，但係當時本港電影市道十分之差，於是佢只搞演唱會場地，戲院變成保齡球場。隨住近年中港電影市道大旺，佢就將保齡球場變身為戲院The Metroplex，上月中試業，下周二正式有一場首映禮，電影係講賽車?《極速激戰》，到時仲可能有架靚跑車擺門口?。
呢個戲院佔地3萬平方呎，共有九個影院，其中三個屬私人影院，各設20個座位，當中一個仲有私人飯廳，擺到明想做包場生意。
■胡文新指香港冇乜場地鋪到又長又闊?紅地毯，但九展門外就有足夠空間。
設私人影院招包場生意
Thomas舉例話，獅子銀行有時會包場邀請客戶睇戲，九展可以話係「吊腳」，亦都可以話係位置夠私隱，方便銀行、投行包場邀請VIP睇戲兼食飯。
此外，佢亦想多做首映活動。佢認為香港冇乜場地，門外可以鋪到又長又闊?紅地毯，讓明星被人影相，九展門外就有足夠空間。舊年4月，第九屆華鼎獎?九展舉行，就做到呢個明星行紅地毯?效果，佢希望呢個場可以吸引電影商多舉辦首映。
大部份影院都設有𠵱家最興?杜比全景聲音響系統同埋震動座椅，Thomas形容「投資?好多個千萬」，說到底都係希望投資有回報，可以借住明星活動帶旺呢個場。
李華華
mailto:LiWaWa@AppleDaily.com
■九展的私人影院(左圖)各設20個座位，當中一個仲有私人飯廳(右圖)，可供一些公司機構包場邀請客戶睇戲。
上一則: 天虹擬合資拓越南抗美國TPP協議
下一則: 中環在線：厚樸基金籌百億再發圍 - 李華華
中環在線 - 李華華 舊文
