魚樂無窮：殼股風再起吼實順龍 - 唐牛
復活節長假期前，基金散戶齊齊進入放假mode，大市買賣兩閒，成交縮竟縮減至428億銀，滬港通刺激一瞬間化作雲煙。
早兩日提過嘅中國鐵聯(745)，由低位反彈超過逾倍，事關公司宣佈無限期押後拆股建議，變相屬好消息，同時不得不佩服幕後人士嘅操盤功力。
另一洗倉股中國家居(692)亦表示，正為股東押股提出申索，一旦事件水落石出，不難出現報復性反彈，進取的戰友不妨留意復牌時間。
有報道指殼股價已由原來嘅3億大升至5億，全因內地求殼若渴，在僧多粥少下，殼價水漲船高就變得理所當然，消息令市場上嘅潛在殼股蠢蠢欲動，為平淡嘅市況提供炒作空間。
首先有事先張揚賣殼嘅米蘭站(1150)，上周四炒高4.2%；大股東早前宣佈與第三潛在買方訂立諒解備忘錄，後者將以不高於每股1.17元收購大股東股權，並已繳交200萬銀定金。
根據最新業績，米蘭站每股NAV僅0.473元，較上周五收市價1元，高出一倍有多，加上市值接近7億銀，限制上升動力。
市值仍遠低於殼價
相反，頻頻傳出賣殼消息嘅順龍(361)，可塑性明顯較高，上周四爆升16%後，最新市值依然不足3億銀，與5億銀殼價仍有一大段距離，最新NAV亦僅0.66元，較現價有輕微折讓，從任何一個角度睇，都比米蘭站值博。
唐牛
上一則: 炒友Blog：正通業績靚估值偏低 - 邱古奇
下一則: 股場放大鏡：神威大有追落後空間 - 歐陽風
魚樂無窮 - 唐牛 舊文
