魚樂無窮：慧聰網大四喜快食糊
今日事不宜遲，即刻入正題，推介囊括四大優點嘅慧聰網(8292)，一旦齊章，想唔食爆棚都幾難！
優點一︰阿里巴巴概念。市傳呢個科網大阿哥，將於8月8日上市，有「小阿里巴巴」之稱嘅慧聰網，影子股概念夠煞食。現時慧聰網於內地B2B市場市佔率約一成，僅次於阿里巴巴嘅40%。管理層揚言，五年內要成為行業一哥，更不排除同騰訊(700)及百度合作，如果傾掂數，發展空間無極限。值得留意嘅係，慧聰網現時市值約百億，看似大大件，但與阿里巴巴逾萬億估值比較，僅及其零頭，潛力可想而知。
優點二︰盈利動力十足。繼去年全年盈利爆升1.3倍後，今年首季業績繼續有好表現，盈利按年增長1.1倍至4,228萬銀人仔，犀利！公司更已申請轉主板，以其優異表現，肯定無難度，屆時估值有望進一步提升。
染指貸款業務
優點三︰新業務開綠燈。公司上月底公佈，旗下專營小額貸款嘅合營公司，已取得營業執照，將可染指貸款、票據貼現及資產轉讓業務，現時慧聰網涵蓋50個行業，貸款業務要搵客易如反掌，協同效應大到你唔信。
優點四︰圖表蓄勢待發。慧聰網3月曾炒至23.65元，後因科網股降溫而回落，但兩度下試16元皆能守穩，相信已見短期底部，年初至今營造三角形走勢，現行至末端，上周五逆市升2%，兼有大成交配合，可能係破位先兆，現價買入，首站先睇20蚊！
唐牛
https://www.facebook.com/tongcow88
【壹錘定音】星期一至五，早上8點開咪！
http://hammerout.hk
立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp
唐牛
魚樂無窮 - 唐牛 舊文
