中環在線：新一批IPO生意千奇百趣
整容捕魚股來港抽水
■劉曉慶(左)任代言人的鵬愛在內地有14間門店，幫客戶去疤、拉皮、隆胸等等。右為創辦人之一丁文婷。
早幾年有墓園、當舖、夜場在港上市，大家已經嘖嘖稱奇，原來一山還有一山高，根據港交所(388)最新資料，幫人整容、?大海捉吞拿魚、甚至齋賣餅乾?公司都話申請緊在港上市。港交所(388)打開門口做生意，真係畀廣大股民好多選擇喎！
■專門捕捉吞拿魚，然後賣去日本 鵬愛由劉曉慶代言
根據新規定，公司一申請上市就要將招股書初稿上載港交所網頁，上周四就有間鵬愛醫療美容集團上載招股書，正申請上市。呢間公司?內地有14間美容機構，小至去疤，大至拉皮同隆胸，佢都有提供服務。
最巴閉係，佢由2011年就搵到年近60?內地女星劉曉慶做代言人，仲形容劉曉慶係「中國連續三代人都廣為熟悉的銀幕傳奇，其恒久青春的容顏……產生極大號召力」。之但係，劉曉慶成日都話自己冇整容?喎，即使望落皮膚唔似60，佢都話冇整容喎。
■有逾半世紀歷史，主要賣薄脆、威化、夾心餅 除?整容公司，一間叫中國金槍魚產業?公司都申請緊上市，金槍魚即係吞拿魚，呢間公司經營24艘船，專門捕捉吞拿魚，然後賣去日本。冇睇錯呀，呢間公司有七成收益來自日本，?日本只係賣畀東洋冷藏公司。照咁睇，唔知大家去日本食?吞拿魚，會唔會來自呢間中國公司呢？
仲有一間齋賣餅乾?嘉士利，呢間公司有成58年歷史，賣薄脆、威化、夾心餅之類，賣點之一就係歷史悠久。睇招股書先知，原來賣餅係一盤唔細?生意，公司舊年收入就有7.5億元人仔，但只賺7,000萬元人仔。講到尾，都係?句，港交所都係打開門口做生意，投資者最緊要唔好做羊生羊太。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
