中環在線：另類股息AEON派現金券
每人有125元獲Lounge通行證
■永旺股東去AEON旗下分店出示收取股息證明，就有優惠券送。 
買股票要計算回報，不外乎睇股價表現同股息，日資百貨股永旺(AEON，984)?股東就可以考慮多一個因素，事關公司噚日宣佈，最近推行另類「實物分派」──每名股東可獲派總值125元?永旺百貨購物現金券。
「回報」逾2厘
首先講明，呢個計劃係連同末期息一齊派發，即係要?5月27日除息前持有永旺?股東，先有優惠。閣下今日睇到報紙先走去買，係唔會有著數?，至於呢項優惠會否繼續？永旺冇講。
合資格?股東，只要去AEON旗下分店出示收取股息證明，即可獲發一本小冊子，裏面包括5張25元?優惠券，買滿100蚊可用一張，相當於七五折；另外亦有一張AEON Lounge通行證，可以畀你帶一個人入去hea，包飲品同小食。
如果以永旺噚日收市價9.8元計算，買一手入場費約4,900元，收125元現金券，折合「回報」都有2厘幾。如果去盡?，只買一股碎股，仲有賺?！
不過，永旺冇講明買碎股有冇得收現金券，聞說有上市公司近年?股東會已經實行「碎股冇紀念品派」策略，希望可以降低大家拆碎股搵著數?意欲。
香港上市公司好少畀股東產品優惠，頂多好似莎莎(178)咁，?股東會派嚇化妝品，萬邦投資(158)就會?股東會之後，會請股東?中環翠亨村食一餐。
但原來日本上市公司，好流行向股東派發公司產品或優惠券，日語稱為「株主(股東)優待」，仲勁到有人為此出攻略，教人點樣買股有最多優惠，舉例，東京迪士尼母公司Oriental Land曾送門票。
近年唔少A股公司亦都會搞實物分派，舊年就有南方黑芝麻集團派芝麻乳、人福就大派避孕套、量子高科派龜苓膏。唔知香港?上市公司幾時都去跟嚇風呢？不過，派禮品之餘，記得一定派股息。
李華華
mailto:LiWaWa@AppleDaily.com
LiWaWa@AppleDaily.com
中環在線 - 李華華 舊文
