魚樂無窮：方正滿足你三個願望
恒指連升七日，主板成交突破千億大關，乃4月滬港通公佈後新高，距離25000大關僅一步之遙，但高位明顯有阻力，始終此水平屬金融海嘯後高位，加上超買嚴重，無論心理上或實質上，都應該有一個健康調整，從好?角度睇，二三線股派對又來了。
估值平後台勁圖表靚
今日推介異動股方正控股(418)，估值平、後台勁、圖表靚，一次過滿足股民三大願望。公司主要從事軟件開發及系統集成，服務對象包括媒體公司、財務機構、企業及政府部門，另又從事報章雜誌編輯服務業務。前者業績佔比接近100%，儼然一隻軟件股，但估值卻遠低於同業。現價市盈率6.6倍，比起金蝶(268)及金山軟件(3888)平均?38倍，大幅折讓83%；睇PB更誇張，現價0.6倍，比金蝶及金山軟件平均?4.8倍折讓88%，低殘程度無極限。
方正母公司方正集團，由北京大學於1986年投資創辦，業務涵蓋IT、醫療、房地產、金融、大宗商品貿易，去年總收入680億人仔，總資產960億人仔，方正最新市值不夠6億港紙，蚊髀同牛髀也。姊妹公司北大資源(618)去年轉戰房地產，成為母公司旗下地產旗艦，同一概念倘落在方正控股，6億市值逐漸變60億又得，立即變60億亦得。
睇圖表，方正5月見底回升，一直穩步上揚，噚日一棍突破三角形走勢，靚絕！用今年高位0.64元做目標，潛在升幅已達28%，屆時同NAV價0.82元仲差一大截。
唐牛
https://www.facebook.com/tongcow88
唐牛
魚樂無窮 - 唐牛 舊文
