魚樂無窮：康達估值平睇升三成
■趙雋賢任主席的康達，預測市盈率較同業折讓接近四成。資料圖片
近期推介有連串消息，先同戰友跟進一下。洛陽鉬業(3993)中期賺10億人仔，按年升66%，第二季盈利較第一季高63%，業績靚絕，公司睇好下半年鉬市場表現，強勢有望持續，股價再創三年新高，但較A股依然折讓逾四成，維持中線睇8蚊目標不變。
疑似殼股永利地產(864)，盈警後不跌反升，正向上市新高1.08元進發，雖然一個月升足兩成，但市值4億元唔夠，PB僅0.4倍，話唔定有好消息跟尾，繼續坐定定。另一有賣殼可能?愛高(328)，竟然?今年高位不停回購，公司價值未盡反映，加上成交逐漸暢旺，見二字頭冇難度！
水務股近期強勢持續，中滔環保(1363)預喜盈利升逾75%，股價逼近上市新高，光大國際(257)中期多賺23%，股價亦見回勇。
收購頻頻業績看俏
同為水務股?康達環保(6136)，最近連環公佈收購，加上估值便宜，大可追落後。公司於7月以5,688萬人仔，收購國電朗新明濮陽水務100%股權，後者擁有日均處理5萬噸汙水?BOT項目。新近又以2.7億人仔，收購山東國環產業旗下四間汙水處理廠90%股權，每日可處理汙水總規模達21萬噸，再配合原有48個項目，未來業績大有睇頭。
講估值，康達現價預測市盈率約16倍，較光國及中滔平均?26倍，折讓接近四成，贏曬！睇圖表，近日進入圓底炒上模式，靚爆！用同業估值打個八折做目標，可見3.94元，潛在升幅三成。
唐牛
https://www.facebook.com/tongcow88
唐牛
魚樂無窮 - 唐牛 舊文
