魚樂無窮：東江集團異動惹遐想
恒指連續兩日企穩25000樓上收市，霸氣十足，有趣?地方係，強勢股如地產股、友邦(1299)、港交所(388)開行turbo外，連公用股都按捺不住，兩電一煤齊創52周新高。睇真?，中電(002)同電能(006)股息率分別有3.8及3.5厘，?超低息環境下，其實吸引到暈，惹來資金掃貨變得理所當然。
早排提過永利地產(864)異常強勢，噚日終於發力，一升仲要係三成，破曬頂！爆升過後，最新市值依然得5億銀，加上PB未夠0.6倍，仲未到戲肉。CW Group(1322)再創新高，主要有兩個催化劑。一、鐵定下周五(29日)放榜，有炒業績憧憬；二、申銀首度推介，建議買入，目標價3.22元。正式進入冇蟹貨區，短線目標先睇3蚊，有貨?戰友繼續坐定定。
街貨少掃起話咁易
今日推介半新股東江集團(2283)，又係近日突然發力，惹人遐想。公司為內地一站式注塑解決方案供應商，主要從事注塑模具及組件設計及製作，性質與億和(838)相似。以製作注塑模具收入計算，東江?內地市佔率排第二，產品用途廣泛，細至手機配件，大至汽車家電，可謂大小通吃。公司賣點一個字講曬︰平！雖然已連升兩棍，但歷史市盈率僅5.4倍，與市場估值脫軌。事實上，大股東連同相關人士，持貨超過七成，計埋基金暗手持倉，街貨隨時只得一、兩億，要掃起話都冇咁易，?下星期四放榜前突然異動，話唔定有好消息跟尾，值得關注。
唐牛
https://www.facebook.com/tongcow88
唐牛
魚樂無窮 - 唐牛 舊文
