魚樂無窮：一隻比權智更靚的殼
■萬威國際的股權集中，加上市值屬細細粒容易食，難怪被視為靚殼行列。資料圖片
周一推介亞洲聯網(679)，火箭式上升38%後停牌，收市後出通告指正與獨立第三方就潛在收購進行初步討論，雖非預期之中?賣盤，但最新市值仍不足4億銀，可斬邊留邊坐定定睇好戲。東江集團(2283)放榜後連爆兩棍，好消息有兩個︰第一，派中期息兩仙，較去年末期息還要多，有利吸引基金入股；第二，斥資約300萬銀收購德國同業，擴大業務版圖兼締造協同效應。建銀首予買入睇兩蚊，絕對係逢低吸納之選。
萬威平靚正值博
權智(601)控股股東獲洽購股權，埋單炒高三成，不少工業股連年蝕錢，遇上殼股有價有市?日子，賣盤幾乎成為唯一出路。萬威(167)無論從股權架構、市值、業務狀況三方面睇，與權智相似度達十粒星，但財務狀況卻高幾班，值得跟進。
一、股權架構︰萬威大股東陳煒文及家族成員持股57.1%，比起權智譚氏家族?48.5%更集中，賣盤更easy。二、市值︰萬威最新市值6.9億銀，稍高於權智約5.4億銀，同屬細細粒容易食一族。三，業務狀況︰萬威主要設計及產銷電子消費產品，近五年業績清一色見紅，同權智難兄難弟，網購興起及勞工和原材料成本雙高成為致命傷，意興闌珊下放手變得理所當然。最新業績顯示，萬威手頭淨現金達1.4億銀，市賬率1.45倍，權智手頭淨現金僅968.2萬銀，市賬率2.18倍，邊隻更值博唔使多講，權智既獲得垂青，萬威肯定更搶手！
唐牛
https://www.facebook.com/tongcow88
唐牛
魚樂無窮 - 唐牛 舊文
