魚樂無窮：炒分拆要預埋佳寧娜
迪臣發展(262)月初宣佈，分拆建築及工程承包業務獲聯交所開綠燈，並正式入紙申請，股價最多爆升五成。順藤摸瓜，佳寧娜(126)一早表示有意分拆，或趁今趟有勢做?，股價隨時升價十倍！
佳寧娜業務主要分兩瓣，第一，經營酒樓及酒店和提供食品及餐飲服務，第二，物業發展銷售，以及租賃商業及住宅物業。最新全年業績顯示，兩者分部業績分別為7,039萬及3億銀，同屬獨當一面。由於佳寧娜搞餐飲業深入民心，加上地產殼股有價有市，分拆地產業務變得理所當然。不過，公司6月時突然斥資3,000萬銀，收購順寶創投六成股權，順寶創投透過「味皇」、「星級味皇」、「味集皇城」及「嚐味」四個品牌，於本港經營連鎖餐廳，現時共有11間餐廳及一間中央廚房。這舉動又令人聯想到，公司想壯大餐飲業務再乘勢分拆；一句講曬，兩張刀都好利囉！
PB0.4倍平到笑
股價低殘又係另一個賣點，佳寧娜現價1.31元，較年初提出分拆時喪跌38%，跑輸恒指幾條街，完全不合理！去年盈利增長29%至2.2億銀，現價年度化市盈率八倍，市賬率0.44倍，仲有近四厘息打底，點秤都係平到笑。噚日?低位出現一支破腳穿頭?陽燭，兼有成交配合，終於有聰明錢睇到呢隻超殘股。係咁意用0.382倍做反彈目標，已可見1.56元，潛在升幅兩成，屆時秤市賬率仲係半價。
唐牛
https://www.facebook.com/tongcow88
唐牛
魚樂無窮 - 唐牛 舊文
