魚樂無窮：兩份通告同一個啟示
恒基發展(097)上周五宣佈，獲大股東恒地(012)注入香港千色店及id:c專門店等全部股權，作價9.35億銀，以去年除稅後盈利1.33億銀計，收購市盈率7倍，比同業吉之島(984)25.7倍，平?一大截，但資產淨值僅1,580萬銀，市賬率達59倍，難怪公司保證往後三年維持每年派息不少於4仙，息誘股東。同日權智(601)中午停牌，收市後宣佈控股股東譚氏家族獲洽購股權，以其最新持股近五成計，倘交易落實即變相賣殼。
亞洲聯網好戲在後頭
兩份通告都有一個共通點，就係殼股有計。點先可以發掘到潛在殼股，快人一步理想達到？股價可以畀到貼士大家。恒發8月初無厘頭由0.6元炒至最高0.71元，累積升幅兩成，權智仲癲，一星期唔夠搶高逾三成，跟春江鴨行事，隨時會有意外收穫。
亞洲聯網科技(679)上周五失驚無神喪升23%，唔通又係殼股翻版？不妨睇嚇盤數。呢隻主打電鍍機械設備?冷門股，中期靠稅項支出減少令盈利增長，牌面唔算勁，原來內有乾坤，事關公司手頭淨現金達2.3億銀，相當於市值2.8億銀逾八成，換句話講一盤賺錢生意及5億元殼價免費奉上。大股東藍國慶及關連人士，兩年前將高信集團(007，現稱凱富能源)股權易手，股價由幾毫子炒到上最高近3元，技驚四座。如今殼股有價，亞洲聯網有恒發?強勁現金牛特質，又有權智細市值?輕巧，有望成為藍氏第二個舞台，戰友不妨買飛入場睇好戲！
唐牛
https://www.facebook.com/tongcow88
唐牛
魚樂無窮 - 唐牛 舊文
