情陷夜中環：半斤八?
■一班家底極厚的band佬，彈奏時全情投入，玩起來有板有眼。資料圖片
手機連接車內的音響，同一首歌重複的播放著，我唱完又唱，唱完又唱，直到終於駛入目的地，即是柴灣某座工廠大廈的停車場。星期日也要當值的管理員叔叔問我找哪個單位，我跟他說完之後，他笑笑口叫我泊在三樓。
工廠大廈的停車場竟然如此寬廣開揚，中午的陽光從四方八面「灑」進來，好舒服，感覺自己已經愛上這幢工廈。上完一層又一層，都是空空的，一輛車也看不見，我該不會是最早到吧？駛到三樓才知道，我準時，但已經是最遲那位。白色的瑪莎拉蒂Gran Turismo、藍色的奧迪R8 V10、黑色的林寶堅尼LP5502、炭灰的平治SLS，整齊地並列一起，加起來的霸氣與貴氣讓你喘不過氣，葉朗程的小跑車是徹底地out of place，我彷彿聽見面前每部超級戰車都在警告我：?部咁?爛鬼跑車仔入?，唔該你有咁遠泊咁遠，唔好影衰曬。我急忙找個遙遠而隱蔽的角落，泊好呢部唔爭氣?爛鬼跑車仔，??聲走入平時用?上落貨?電梯。
升降機在9樓停下來，門打開的時候，整部升降機似乎有點搖搖欲墜的感覺，跟平時出入的甲級寫字樓是兩碼子的事。走出去，按門鐘，那道極cyber的鋼門很快就自動打開。步進這個單位，彷彿置身另一世界。長長的走廊，別具格調的黑色地板，兩邊的玻璃櫃有很多小射燈，照亮著好多張發黃的照片。相中人是幾個梳著披頭四裝的年輕人，笑容充滿稚氣。再走入一點，更多相片，幾位年輕人已經漸漸長大，由少年變青年，由青年變中年，這條走廊是記錄著他們青春的時光隧道。
四個大叔夾band有板有眼
走廊的盡頭是一道玻璃門，門後是一張長方形的10人飯桌，桌上蓋著雪白的?布，放滿精緻的餐具。別誤會，這裏不是一家私房菜館。飯桌的5呎以外，有一個他們叫minibar但其實一?都唔mini?酒吧。也別誤會，這裏不是一個甚麼樓上私竇。飯桌的另一邊，是一個小小的舞台，也是這裏最重要的地方。正站在舞台上的，是已經由中年人變成「年輕長者」的四位阿叔，亦即是剛才那四部辣跑的主人。
「喂，阿仔！」其中一位阿叔說。佢唔係我老竇，但佢好鍾意叫我「阿仔」，證明我是一個多麼成功的私人銀行家，跟客戶的距離就是父與子這般近。佢近來鍾意投資美股，但今次見佢唔使準備好多排緊隊上市?美股資料，因為佢係叫我?陪佢唱歌。「開始?未呀？」我笑著問他。台上幾位叔父我都見過，其實你都有機會?報紙見過，他們是打工王帝級的商界人物。有個拿著結他，有個坐在一套電子鼓後，有個按著琴鍵，有個拿著一部外形勁誇張的電子小提琴。
「差唔多開始啦，點呀，我?間band房得唔得呀？」六十多歲、滿頭白髮的他站在台上自豪地問。唔係?，佢叫呢度做band房？如果呢個差唔多有4,000呎?空間都只係一間「房」，我屋企真係連一個「窿」都不如。「Pro到爆。」我豎起拇指說。就在這時候，有位女士從廚房走出來。Yes，呢度仲有廚房、浴室、桌球房。「???？係唔係飲Sherry？」女士親切問道，他是客戶的太太。我鍾意飲乜都記得？作為一個女主人，作為一個成功男人背後的女人，作為一個把老公的事看得比自己的事更重的女人，就只是一句「係唔係飲sherry」，已經為老公贏到不少面子。五十多歲的她，眼細細，個樣唔係典型?種靚，但高瘦的女人無論去到甚麼年紀，也會散發著迷人氣質。穿著白恤衫配上一條彩色Hermes絲巾做「領呔」，冇得輸。
Sherry很快就放到我面前來，還有溫室哈蜜瓜和Iberico ham，正。我正要呷一口酒的時候，音樂開始響起，一聽前奏就知，揭開序幕的是《Hotel California》。我差點要把酒噴出來，不是因為他們的前奏出了甚麼亂子，而是每位站在台上的阿伯突然戴上了Ray Ban的Aviation系列太陽眼鏡。一副又一副烏蠅墨鏡，彷彿就是要隱藏著聞者傷心的中年危機。女主人可能見我「O曬嘴」，在我耳邊輕輕說：「佢?讀書?陣，本來諗住叫自己隊band做Sunglasses。」我一邊?笑點頭，一邊我看著台上幾位「盲公陳」，不禁為30年後的自己冒了一額汗。
造型分雖然減了很多，但他們玩起來的確有板有眼的。雖然他們彈的全都是幾十年前的懷舊金曲，但聽起來滿有現代感的，有幾首歌我都忍不住跟隨節奏擺動身體，而女主人看到自己的主音老公就更是如癡如醉了。《Hotel California》最後的純音樂部份，他們玩得更專注。看到主音老伯認真地望著結他，我立刻聯想到他跟我講投資時候的同一個模樣。原來當他投入的時候，眉頭都是皺得緊繃繃的；如果當年他以跟搵錢一樣認真的態度，專注在音樂上，又會否是另一隊溫拿樂隊，又或者是另一個譚詠麟？
每個年代各有辛酸衍生代溝
幾首英文歌之後，他們終於有首「半斤八?」。可能因為是廣東歌，我覺得他們唱這首唱得最放。聽他們唱這首歌也蠻好笑的，今日佢?交?稅差唔多等於我份糧，而佢?竟然哼著「搵個些少到月底，點夠使，奀過鬼，確係認真濕滯」。感覺到他們唱這首歌的時候實在是格外投入，心想他們會不會是想起當年初出茅廬的辛酸史？不過，我總是覺得他們比我們這一代較幸運。每個年代都有不同的辛酸，但他們那時候的辛酸，是競爭，而我們這一代的痛苦，是競爭以外，還有太多的不公平，不是純粹話肯捱肯搏就能解決的。有些上一代的人不明我們這一代的困境，而代溝就是這樣形成的。
「喂，到你啦喎！」主音老伯對著我說。之前佢?問我想唔想唱番首歌，我話我?歌太新，佢?未必識彈。點知佢?話要試過先知，於是我就同佢?講要唱「到此為止」。佢?話完全冇問題，所以今次?，其實係想睇嚇佢?係唔係真係咁勁。我上到台，他們開始彈，好驚，真係彈得好正，讓我也很自然地閉上眼睛，準備自己的情緒。一路唱著唱著，唱到副歌，「我再沒有勇氣向你講舊時，沒有勇氣相愛另一次」，我開始natural high。
歌唱完，我不禁驚訝問道：「嘩，你?好勁喎，咁短時間都練到首新歌？」那位彈電子琴的叔叔跟我在耳邊說：「我?都有練開呢隻?，得你鍾意連詩雅咩？」我望一望其餘幾位盲公三俠，大家也不禁陰陰嘴笑起來。一講到女人，麻甩佬和麻甩仔，就是「半斤八?咁理想」。
葉朗程
葉朗程
情陷夜中環 - 葉朗程 舊文
