魚樂無窮：三個板塊勿亂博反彈
港股第三季臨尾香，埋單倒跌1.1%，總結首三季恒指暫跌1.6%，如同白做。不過，身邊戰友荷包依然有進賬，何解？懂得炒股不炒市?硬道理也！由年初新經濟股喪炒，年中舊經濟股翻生、滬港通概念起飛，到近期殼股異軍突起，相關板塊完全不受大市左右，自動波開行turbo，是但撲中一瓣，依然有利可圖。
展望今季，不明朗指數達十粒星。689政府未肯回應市民訴求，佔中運動隨時要長期作戰；儲局本月完成最後一輪減買債計劃，未來息口走勢成為焦點；滬港通如箭在弦，加上歐央行快將啟動QE，卻有望成為後市?光。情況就好似過年食盤菜咁，一味?緊扣另一味?，未食到最後都唔知是龍是蛇。
地產股恐步零售股後塵
前輩教落，要贏錢先要學識唔好輸，點先可以保本？盡量避開令你損手?板塊，零售股同濠賭股就係最好例子。兩者?處境好相似，股價同早已透支行業好景。
如今天氣不似預期，當然難敵地心吸力。牛氣全消下，加上可見將來都冇回勇催化劑，好聽?就係有反彈冇升幅，衰?講句就係博唔到反彈就立即中伏。銀娛(027)、金沙(1928)、周大福(1929)、佐丹奴(709)幅幅圖都係45度角向下，睇見都唔開胃。另一個有機會步兩者後塵?板塊就係地產股，有指佔中會拖?樓價，有利潤在手者當然先沽為敬，強如長實(001)都要下試250日線，樣衰到爆，戰友忍手為上。
唐牛
https://www.facebook.com/tongcow88
唐牛
魚樂無窮 - 唐牛 舊文
