中環在線：廣告公司趕人準時放工
搵人扮狗拖走工作狂
■呢隻人扮?狗狗在宣傳片中強行拖走遲收工?員工。
香港地好多人都係有返工時間，冇放工時間，HK4As(香港廣告商會)其中一間廣告公司最近就?內部發起「落閘放狗6點9」大行動，要求所有同事每個月有兩日一定要6點9就起身放工，仲搵人扮狗掃同事走，十分搞笑，相信好多打工仔都希望呢隻狗可以去佢?公司掃番轉。
做廣告呢行?人經常要通宵開會、度橋，成日要開OT，咁多人夜晚留?公司開工，即係要用多好多燈油火蠟，唔夠環保喇。國際廣告公司Saatchi& Saatchi最近為?解決呢個問題，兼且改善員工作息時間，率先?香港辦事處發起「落閘放狗6點9」活動。呢個活動早前已經試行過幾次，上周四正式推行。
樓下餐廳包場畀員工飲?
話明係廣告公司，推行呢個咁值得發揚光大?活動，當然都要絞盡腦汁，別出心裁咁去推喇，點都唔會淨係出張memo公告天下就了事。
家陣大家最興睇片，首先梗係要拍番條片放上網喇，佢?拍?條2分幾鐘?片，簡單講?呢個活動為乜，重要動物好快就出場，咪就係隻狗囉，佢?搵人扮狗，夠鐘就掃人走。
聽講，呢隻狗唔係扮?，真係會?每月兩日?活動出現，廣告公司?員工亦可以帶埋自己養?真貓、真狗返工，一班貓狗?公司四處遊走，陪住主人度橋，有?貓狗仲夠膽走入老細房行番轉?呀。公司亦都唔係就咁叫同事返歸，仲?公司樓下一間餐廳包場，畀員工落去飲?吹水輕鬆下。
老實講，呢個世界最緊要講求工作效率，員工?公司死磨爛磨唔放工，唔等於做到?，華華最唔明白，就係有?人話要等老細放工走?，先敢走，根本唔合邏輯，等到幾時呀？所以話呢，呢隻「落閘放狗」雖然樣衰衰，但係肯定大受打工仔歡迎，話唔定可以出公仔周圍賣?呀。
■廣告公司Saatchi& Saatchi最近發起「落閘放狗6點9」大行動。 
■負責趕人收工?狗狗化身《收工?示錄》主角。 財經界好多人開通頂
財經界好多行業?工作時間都好鬼長，會計同投資銀行更加係叮噹馬頭。做過核數?人肯定明白當中辛酸，埋數高?期同做緊新股時，通宵趕工閒過立秋，安永華南區主管合夥人蔡偉榮憶述，自己出道冇耐、廿幾歲?陣試過一星期?得16個鐘，即係每日?得兩個零鐘咋。
蔡偉榮感受過連日通頂之苦，都明白同事應該有適當?作息時間，「間唔中通宵一、兩晚就可以，長時間真係頂唔順，根本冇法集中精神，做唔到?」，不過會計始終?服務行業，一定係以客為先，佢都感嘆好難做到工作與生活平衡。
除?會計，分析員都係要長時間工作，尤其係國際投行，佢?有歐美同事與客仔，香港下午四點收市，倫敦就開工，駐港分析員自然要幫手繼續做，早上返8點、晚上放10點都係等閒事，有時半夜仲要同美國?邊?客仔開會?呀，陰功豬。
李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文
