智取大市：日股興奮後恐出事
環球股市近期受到日本正面消息刺激而上升，包括日本公積金?日本政府退休金投資基金(GPIF)計劃將持有日股及海外股票配置比例，由12%調升到25%。呢個基金講緊有1.2萬億美元資產，代表可以買日股同美股比例分別多?成千幾億美元。再加上日本突如其來整個QQE，成個世界好似唔同曬。
上周五公佈?QQE，將規模由60至70萬億日圓擴大至80萬億日圓，以美元兌114日圓計，即係大約印多877至1,754億美元銀紙。日債大部分由日本內部持有，貨源歸邊，難怪日債孳息率可以接近零，亦顯出日債價格相對美債係幾咁貴。唔計政治因素，貨比貨以下，海外投資者邊會想增持日債？
說穿了，原來GPIF減日債，係有日本央行加大QQE去back up。GPIF話要將日債比例下降，操作上似係GPIF減債，同時由日本央行買債，印出??錢等於大部分投入股市。概念上係，日股反應出奇地好，或者可以咁樣解釋。之前10年期美債孳息率急跌，美股跌到爬?度，然後GPIF調整基金比例個傳聞一出，日股、美股就升爆燈。劇本熟口熟面，咁似2007年8月次按危機爆出，令環球股市急跌，然後大奇蹟日出現，港股直通車消息殺到，港股進入超強牛三。
而家日股就似足當年港股，日經平均指數兩日升過千點，問題係效應有冇當年港股直通車咁犀利？2007年港股由8月低位升到32000，足足升?64%，如果日股同一幅度上升，咪可以見24000？唔識估，但睇?港股呢一刻冇乜受惠，如果博隻價值日本ETF就要蝕?水。不過，日股升市過後，似乎將會走港股舊路，港股當年32000見頂，之後七年都遠遠未翻身，歷史可能又重蹈覆轍。
中港美股市或見頂
上期以近四年往績去預測，港股隨時要跌多四個星期，雖然???個星期港股上升，但技術危機仲未解除。第一，以四個星期為一組去睇，橫行格局未改變，仍有機會形成上期所講?「跌、橫行、跌」走勢。
第二，A股滬綜指9 RSI醞釀四頂背馳，中線嚴重超買訊號已出，反映滬綜指有中線腳軟跡象。第三，美股道指?頂部出現?擴散三角形，反映高位指數波動性增加兼市場情緒大起大落，指數已經升到去擴散三角形阻力線附近，如果掉頭回落，技術上可能係見頂大跌先兆，仲要係阻力線斜度不及支持線，反映中線下跌壓力大過上升。第四，港股方面，恒指小時圖都出現雙頂背馳。
第二、三、四點，分別反映A股、美股同港股醞釀見頂訊號。唔係兇你，只係依圖直說，環球股市可能有轉角市風險，單論港股，就要過到呢關先再睇。
晉佳
本欄逢周三刊登
晉佳
智取大市 - 晉佳 舊文
