異動空間：五菱開車值得追
本欄一年前8蚊推介的廣船(317)，家陣已經25蚊，向母企購入軍工資產後，成為獨一無二的A+H軍工股，加上日後注資憧憬、滬港通概念、行業及業績復蘇等因素，中長線仍有唔少水位，但不妨等短期調整再吸納，毋須心急。
五菱汽車(305)低位橫行近三年後，爆出雷霆萬鈞的一棍，價量齊飆，隨時又係大陸炒家入場，準備食大茶飯！五菱近月的多項動作，則是為大炒鋪路。5月份集團公佈獲控股股東五菱香港，要求全數兌換2億元本金的可換股票據，兌換價0.58元，即係話大股東呢手貨?成本，只係較現價(0.66元)平少少，追買並唔蝕底。完成兌換後，大股東持股量由61.04%，大幅升至69.9%，對公司前景有信心唔在講，更有助貨源完美歸邊。
上周五五菱宣佈換主席，由柳州五菱董事長及總裁韋宏文坐正，取代柳州五菱董事孫少立，反映對五菱的重視程度日增，相信是為國企系內重組鋪路。觀乎五菱目前市值僅10億元，基數甚低，如日後獲注入一兩件優質資產，市值隨時三級跳，趁現價剛起步，絕對值得一試。走勢如突破0.68元，量度升幅可見0.93元。
魏力
http://www.facebook.com/2012jason
魏力
異動空間 - 魏力 舊文
