魚樂無窮：盈利高過市值的靚殼
主要產銷箱板紙及瓦楞包裝?合豐集團(2320)公佈，出售深圳廠房及荃灣物業，作價4.8億銀，扣除開支後，公司將錄得特殊收益4.4億銀，但公司最新市值只得3億銀，咪即係盈利仲高過市值，PE唔夠1倍？睇到都嚇一跳！奇就奇在，合豐噚日最高升過三成後，然後俾人由頭掟到尾，埋單只升9%。兩個原因，第一，春江鴨沽貨。睇番停牌前兩個交易日，即10月23日，共有15球成交，比平日高出數以倍計，當日平均價約0.39元，意味噚日沽貨乜位都贏。第二，股東減持。睇番SDI，合豐第二大股東建滔化工(148)9月起keep住沽貨，持股量由最高13.72%，減至最新?7.53%，差不多一半咁滯，如今突然爆升，再掟貨變得相當合理。
可以預期，以上兩個因素帶來?沽壓，都屬於短暫性，反而想探討下，點解建滔甩身甩得咁急，答案可能係兩個字︰賣殼！合豐市值3億銀，另大股東持貨逾五成，已經符合賣殼條件。睇番中期業績，手頭現金2.2億銀，長短債加埋有6億銀，今次交易後套逾4億銀，意味可變回淨現金公司，令殼味更濃！第二大股東謀全退，答案已寫在牆上。
合豐PB0.3倍大平賣
交易後合豐五個廠房?手，最新每股NAV高達1.56元！現價僅0.42元，變相三折大平賣，殘得可憐。正所謂一不離二，公司未來再有售產舉動，爆發力無極限，加上公司連續五年有錢賺，故無論從賣殼或投資角度出發，都有十足值博率！
唐牛
https://www.facebook.com/tongcow88
唐牛
魚樂無窮 - 唐牛 舊文
