尋底之局
2014/11/11 09:12:09
網誌分類: 經濟
歐洲開始推量化寬鬆(QE)，而阿爺可能喺今個月啟動前先未有咁大規模嘅中國版「馬歇爾計劃」，日本央行又宣布加碼猛印鈔票。除咗美國幹，全球主要央行不約而同出手推動經濟，投資氣氛熾熱。昨日，阿爺突然批准下周開通滬港通，中港股市造好，特別係A股大幅上升2.3%，歐洲股票亦踢住造好。
外圍掂，美國昨日出爐嘅經濟數據OK，美股繼續走強，杜指升40點至17614點；標普500指數升6點至2038點，連續第三日創出歷史收市新高。納指升19點至4652點，與歷史最高收市位亦只係相差3點。
券商Themis Trading總裁凱普納(Mark Kepner)表示，「美企三季度財報表明美國經濟狀況穩定，油價維持在每桶80美元之下，消費者信心滿滿，利率維持低位，這些綜合因素都對股市有利。」經濟數據方面，美國10月勞動力市場狀況指數4，較上月嘅2.5，而就業趨勢指數123.9，亦高過上月嘅121.7，顯示美國就業情況正在改善當中。
不過，對於滬港通，有分析指政策打通了內地A股市場與境外資金的通道，明顯利好市場，即係話利好內地多過香港。不過，由於短期資金增長有限，難以支持大市長時間持續上漲，預計利好效應消化後中港兩地股市將會重回原有軌道運行，短期內大市會比較波動，投資者不宜過份興奮。
但隨著有關中國版「馬歇爾計劃」的政策陸續出台，中長線大市基調仍然向上，不過香港佔中未解決前，仍是內地強香港弱的格局，你睇昨日就知。港股昨日早上開市無耐抽高562點，就成為出貨窗口，可知唔少資金係想走唔係想入，搵位走，而在重大利好公布時仍然沽貨多數係機構投資者唔係散戶，顯示港股仍然是一個尋底格局，調整之勢未走完。若本周回探下方，下星期一滬港通開通再彈一彈，就完全消化曬滬港通的消息。
美國近期經濟幾好景，第三季經濟成長 3.5%，遠好過預期的3%。不少分析師認為，穩健的經濟成長將支撐美股繼續上揚。不過，日前《Money News》引述 Morgan Housel 投稿《華爾街日報》的專文，指出有研究顯示，經濟表現與股市走勢並沒有沒有什麼關係，研究顯示經濟成長與股市的走向沒有什麼關係。
Housel引用美國1920年代經濟大衰退前後十幾年的狀況與股市走勢關係的研究，1927年美國 GDP增長的變化與通脹調整後的股市回報率相關性只有0.01，接下來的10年比較接近，但亦只有0.05。相關性1，代表完全相關，為0代表完全不相關，0.05即係中性。Housel認為，事實上，沒有任何指標能告訴我們股市接下來的走向。
當然，有不少分析師不同意Housel的看法，認為強勁的經濟數據會支撐股市的走勢。Pioneer Investment Management的基金經理人John Carey就認為，最近美國整體經濟數據仍為正面，具有足夠的動能撐過聯儲局結束QE過度期並持續走強，推動美股走強。
有另一派的分析包括股神巴菲特則指出，市值相對於GDP的比例才是最重要，投資界便有一個所謂的「巴菲特進場指標」(Warren Buffett Indicator) ，以美股市值除上美國 GDP 數據 (Total-Market-Cap to GDP Ratio) ，作為入市或是拋售的指引。而分析指出「指標」已發出拋售警報，亦稱股神巴菲特也正在為股市崩跌做準備。事實上，美股自金融海嘯以來已大幅反彈，且已有近3年沒有回調超過10%。
早於2月時，著名的避險基金經理人Mark Spitznagel已經話嚴重的股市崩盤並不令人意外，麥嘉華亦認為美股即將大跌。覺得龐大的金融資產泡沫隨時都可能會破滅。固然啦，如果他們當時就沽空美股，到現昨日肯定已經輸甩褲啦。
我覺得金融市場總係好似鐘擺一樣，在投資者對大市極端恐懼與極端貪婪之間擺盪。據《MarketWatch》報導，「美國散戶投資人協會」的信心調查顯示，樂觀的態度在去年12月26日到達高位，悲觀態度則降至9年以來新低。其實，大家唔使睇美國經濟數據，只要套用巴菲特經常講嘅，當市場貪婪時，反而應該恐懼。就知道炒美股幾高吓，都係時候唔好咁搏啦！
陸羽仁
回應(0) 我想回應
陸羽仁 BLOG 舊文
