魚樂無窮：英皇證券坐擁三王牌
■英皇證券剛公佈全年業績，全年多賺42%。圖為集團董事總經理兼執行董事楊玳詩。資料圖片
噚日恒指升?幾多？十個有九個答唔出(答案係403點)。噚日滬綜指升?幾多？「升?4%，埋單差1點就收到2900大關，不過成交就冇星期三咁勁，但都接近9,000億元人民幣……(下刪數百字)」A股已成功佔領本地市場，大家都係睇住A股?做人，石油煤炭A股升停板，H股即刻跟衝。除非你嫌錢腥，否則落場時請睇實A股。
今日推介英皇證券(717)，三大賣點逐個數。第一，估值吸引。英皇證券剛公佈全年業績，全年多賺42%，至2.2億銀，純利率升4.6個百分點至40.4%，市盈率降至不足六倍，息率高達5.2厘，睇下行家耀才證券(1428)，市盈率9.5倍，息率3厘，英皇證券贏曬！
第二，賣盤佳品。同業敦沛(812)已易手，南華金融(619)亦多次埋?傾，兩者平均PB達3.5倍，英皇證券PB1倍有找，平到冇朋友。同系新傳媒(708)剛剛易手予恒大地產(3333)，一星期喪升十倍，賣盤有前科，英皇證券十幾億元市值，內地同業絕對啃得落！
第三，圖表靚絕。靚仔業績出籠後，即大成交突破圓底頸線，夠霸氣！港股成交大旺，券商股坐定定收傭收孖展息，肯定豬籠入水，炒到癲是常識吧。今次唔畀目標價，你睇申銀萬國(218)單日可以升四成，就明白大牛市無謂估頂?道理。
唐牛
https://www.facebook.com/tongcow88
唐牛
魚樂無窮 - 唐牛 舊文
