異動空間：尋覓十倍工業殼
工業股排隊賣殼，去年有萬威（167）、權智（601）、永泰（876）；今年有中慧（1143）、台和商事（1037）等等，如今仍在5億元殼價安全網以下靚殼，更是屈指可數。工業殼出路廣泛，落入國企、央企手上，股價當然不得了；隨著工業4.0、製造業2025等概念起
動，借殼插旗成為製造業巨頭的例行公事。以台和為例，由一年低位0.445元起飛，近日獲鴻海入主後狂升至4.92元，市值20億元，一隻十倍股就此誕生。下一隻魏力睇好堅寶國際（675）。從買家角度睇，堅寶屬於滿分殼：市值4.3億元，較殼價折讓近兩成；過去五年冇配股、供股，拆合都冇，更每年派息，淨負債率僅29.8%，唔玩財技踏實做業務，我係買家都會放心搵佢傾。
去年業績報告公司明言面對智能電話衝擊，電子消費產品業務將繼續艱苦經營，埋下賣走業務的伏筆；精密零部件業務（如生產顯示屏）仍有市場，但行內競爭激烈、內地生產人工成本飛升，每年只賺一、二千萬元；反觀賣殼一賺數億元，兼可套現繼續經營現有業務，可謂一石二鳥！股價剛大成交創新高，話唔定係賣盤有眉目呢！
魏力
http://www.facebook.com/2012jason
魏力
異動空間 - 魏力 舊文
