異動空間：最易贏大鑊炒法
上篇講到買貨的小技巧，當閣下持股開始有盈利，唔少已即刻想沽，結果可以賺3萬蚊的交易，最後賺得3,000蚊，源於一鳥在手、好過百鳥在林的思維。有票你尚且唔袋住先，為何不讓利潤越滾越大，而要鋪鋪食雞糊呢？「講就容易！有糊唔食，罪大惡極呀！」點先可以適當揸耐少少隻
股票，食盡啲個升浪呢？
1.多望圖表及技術指標。魏力對技術分析只是略懂皮毛，但經驗所得，平日常用的移動平均線、RSI、MACD、分鐘圖、成交量，只要運用純熟已足夠搵兩餐。相反學太多指標但冇樣專，才最易葬身股海。舉個例，9 RSI去到90大超買，沽三分二食糊多數冇錯。
2.破頂股要坐多陣。股價不時反映於好消息之前，破頂通常意味有好嘢跟尾，值得揸多陣。再者，破頂即係樓上冇蟹貨，沽壓比較輕，再上機會自然較高。
3.股價喪升時沽貨。見底前一刻最恐佈，見頂前一刻也是最瘋狂，舉個例，月前科通芯城（400）見頂當日，小弟有幸持貨，眼見午後股價狂爆，每分鐘升1毫，完全是非理性亢奮，便決定分批沽出，別人貪婪時我恐懼。
魏力
http://www.facebook.com/2012jason
魏力
異動空間 - 魏力 舊文
