女神tea time - Fifi 2015年7月16日
女神tea time：中國暴力保七？
■意科最新市值係3.5億元。 資料圖片
中國噚日公佈GDP，不論係半年定上季，都成功保七，仲要兩個數都係啱啱好7%。即是咁，中國嘅嘢，有幾多樣你係會信得過？到底呢個七字含水量究竟有幾高，同香港到底有幾多座住宅有鉛水一樣，都係一個謎。
問題係現時中國股市，正陷於危急存亡之秋，如果條數太差，阿爺點暴力去救都無用，故GDP數據好大機會已被暴力拉高。市場原先預期GDP係6.9%，然而經拉高GDP都只係得7%，可想而知，上季真實GDP好可能係低過市場預期。呢條數，唔止我識計，好多人都識計，咁就解釋點解噚日A股跌得咁急。外資唔信A股，大媽唔信兼冇錢玩A股，A股有排低迷。
股份推介方面，殼股冇錯係死氣沉沉咗一排，不過當跌到離曬譜，自有資金承接。好似雋泰（630）前日市值跌到得番1.3億元，噚日股價即彈55%，收市市值上返1.9億元。一齊溫故知新，菲菲5月推過嘅意科（943），最新市值仍然只係3.5億元。
正如之前所講，公司上年9月供股兼配股，由於大股東完全冇供，因此好可能係賣緊殼，似係貨源歸邊格。4月公佈以3億元收購肥料製造商，已經變相易手。意科日前最高炒到0.65元就鳴金收兵，只係較幕後金主買入價高三成左右，相信隻股根本未炒，可小注買入博股價「暴力反彈」。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文
