智取大市：
A股大跌操作戰略
■人仔滙價續向下並不令人感到奇怪。 資料圖片
噚日乜原因令A股大跌？人民幣貶值、內地PMI遜預期、A股熔斷機制首日推出以及A股大股東同管理層禁沽貨措施臨近鬆綁。逐個因素睇，其中，大家對PMI數據冇預期，所以冇失望可言，唔算負面；A股熔斷機制只屬制度因素，唔
算係實在嘅下跌理由；所以真正令大市跌嘅因素，係人民幣貶值同禁沽令鬆綁。
人仔滙價續向下並不令人感到奇怪，但直線快速貶值必然會影響社會穩定性，甚至令內地金融體系爆煲，若相信中央有能力操控滙價嘅話，中央就唔會容許人民幣直線貶值，最多只會一浸浸咁跌，跌兩步、反彈番一步，慢慢跌，每次人民幣兌美元滙價破底，反而就係接近短線回穩之時，所以人民幣滙價急插而令港股急挫呢個因素，理論上唔會持久。
至於禁沽令接近鬆綁，對A股股民心理影響非常大，原因係禁沽令半年前實施，就即時令港股止跌，同一邏輯下，禁沽令鬆綁，股市大跌壓力可能重現，難怪A股又驚過。
事實上，中央必須有能力嚴控沽貨秩序，先容許禁沽令鬆綁，死線臨近，乜嘢消息先係最壞消息？就係中央將鬆綁時間再推遲，就證明中央搞唔掂A股，A股唔大跌就有鬼。如果鬆綁死線唔推遲，鬆綁前後A股未再大跌，中港股就有力反彈。呢一刻晉佳選擇觀望、等機會，而唔係一面倒睇淡。
晉佳
http://www.facebook.com/pages/晉佳/719009541518415
晉佳
智取大市 - 晉佳 舊文
來源 source: http://hk.apple.nextmedia.com
