財女手筆：還地盤系一個公道
■不少人對工程認識不多，落site做地盤的一律被統稱為「地盤佬」。 資料圖片
上一輩人生活艱苦，日做夜做，養大仔女，誓要佢哋成為「第二個李嘉誠」，未來職業？當然要成為醫生、律師、金融界尖子最好，話曬都叫「師」之輩，專業人士搵錢夠多，一定可以飛黃騰達
，點知，今日一睇新聞，原來，最好唔及地盤好！
不少人對工程認識不多，做通風、商場冷氣規劃、室內設計、或者做港珠澳大橋？咪又係落site做地盤，一律被統稱為「地盤佬」。
地盤工程行業高薪缺人，香港大型工程一單又一單，即使你我再唔情願，政府仍然一車車、幾百億咁支持基建工程，大學生入職起薪都有兩萬蚊，勁過好多BBA畢業的人工，但仍然會聽到父母、親人，甚至女朋友慨嘆：「唉，始終都係做地盤，都叫佢搵份寫字樓工啦！」，硬係要將各個項目工程師講成「地盤佬」。
近年不斷有建築、土木工程股上市，當年，可能大家唔睇一眼的「地盤佬」，今日搖身一變成為上市公司主席、CEO，大家對身邊嘅工程師，有無另眼相看？唔理佢哋家陣上市目的係咪「啤殼股」，至少，大家又將佢哋捧得高高哋，訴說一個個勵志的故事，係咪要還你身邊「地盤系」的朋友一個公道？
Melody
本欄逢周三刊出
Melody
財女手筆 - Melody 舊文
來源 source: http://hk.apple.nextmedia.com
