Money Walker：其實有乜好驚喎
■有關預期已幾乎完全反映，6月或7月加息相信都唔會造成太大震盪。 資料圖片
美國聯儲局加息魔咒又到，不過筆者唔太擔心呢兩個月加息，因為市場已經差唔多反映曬，最驚嘅其實係唔知儲局加完一次之後會唔會收手。
睇番利率期貨市場，年底前
加息嘅機會有74%，顯示大部份市場人士早已對下半年加息一次無懸念，既然有關預期已幾乎完全反映，係6月份定7月份加相信都唔會造成太大震盪，最令人憂慮嘅係今年加完一次之後，仲會唔會再加。
再睇番利率期貨市場，年底前加息超過一次嘅機會率只有32%，意味大部份人都認為今年唔會加多過一次息。所以如果6月份議息會議，透露出今年餘下時間加息超過一次嘅線索，咁即使6月份唔加息按兵不動，呢次議息都將會對市場帶來極大的震盪。
金融市場從來都係炒預期，預期到嘅嘢一般都好快反映咗，所以尚未被市場完全反映嘅負面事件，往往先係最不利資產表現嘅魔鬼。至於一街都有人講嘅風險，聽到識背嘅嘢，到真正發生嗰陣，資產價格好大機會反高潮地係咁意震一下就算。
El.
http://www.facebook.com/moneywalkerhk
本欄逢周四刊出
El.
Money Walker - El. 舊文
來源 source: http://hk.apple.nextmedia.com
