魚樂無窮：C朗捧盃概念股
■炒股和歐國盃葡萄牙對法國一樣，只要捉緊一個轉角位，就係搵銀時機。 路透社
葡萄牙在大部份時間缺少C朗的情況下，爆冷在加時KO主辦國法國，首奪歐國盃冠軍。回帶睇番葡萄牙晉級過程，七場比賽中，分組賽三場和曬，淘汰賽只有四強能夠輕勝對手，其餘唔係加時就係十二碼，
單計90分鐘賽事，葡萄牙只係贏咗一場波！
實至名歸嗎？成王敗寇，一個機會擊敗對手就係贏家。炒股一樣，任你如何向下炒，只要捉緊一個轉角位，就係搵銀時機。今日推介嘅億和控股（838），條件完全脗合。
億和主力設計及製造金屬沖壓及塑膠模具，主要用於辦公室文儀用品及汽車。上月底發盈警，指由於定單減少、規模效益減等因素下，中期盈利按年將大跌逾八成，拖累股價創四年新低。
萬念俱灰之際，上周五突然宣佈授出6,705萬份購股權。翻查往績，億和授出購股權就是啟動大升浪之時：2012年11月出手，兩年多炒高兩倍；2009年那次仲誇張，一年喪升18倍。順帶一提，日本最新加碼量寬，億和有大量日本客，真係汁都撈埋。昨已有聰明錢在掃貨，成交創大時代後新高，今次做唔做C朗？你自己決定吧！
唐牛
http://fb.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com
