智取大市：合生元料追落後
■合生元主打嬰兒奶粉業務。 資料圖片
今次港股升浪嘅特色，係股份強弱兩極化情況相當嚴重。當市況逆轉嘅時候，之前極強嘅本地地產股、商品股、科網手機股自然跌得更快。單睇星期二戰況，雖然升跌股份參半，但強股擺明係有人掟，前幾日急升嘅舜宇（2382）呈現大成交單日轉
向，跌近半成；騰訊（700）雖然喺歷史高位水平，但近期實在升得唔快，所以未來調整亦相對慢，足證越強最終會變越弱。
咁乜嘢股份喺跌市唔會跌得咁甘，甚至會升？咪係之前冇升嗰批股，其中未必冇好嘢。
6月24日英國脫歐至今冇升嘅股份，有合生元（1112）。合生元舊年9月買番嚟嘅成人護理品Swisse Wellness83%股權，同原有嬰兒奶粉業務有相當大嘅synergy，可成業績復蘇催化劑，自此股價跑贏同業，證明市場認同收購對佢有幫助。
雖說英國脫歐後，合生元股價逆市下跌，但舊年第四季低位到𠵱家，已經升接近一倍，只不過佢波幅係比較大，股價由1個月高位29蚊回落咗接近兩成，睇嚟之後即使港股要跌，佢亦有條件免疫，如見股價現水平有連番支持，就不妨吸納，重返29蚊難度唔高。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
