智取大市：冷門股好過龍頭
■擎天軟件股價剛轉強，可短線走一轉。圖為集團主席辛穎梅。 資料圖片
港股小時圖呈現圓頂形態，加上過去兩日受制小時圖保歷加通道中軸，由支持位變成阻力位，係典型轉弱趨勢，估計調整未完，而下跌幅度有可能比市場估計為大。正如上次講到，本地地產股短線累積升幅已多，加上政
治因素令相關股份持有價值打折扣，於是列入長線睇淡行列。而非本地概念股當中，盈利前景亮麗嘅上市公司唔多，唔少優質科網同電子設備股都太貴，呢一刻寧願吼冷門股票愛高（328）。
其實睇番愛高年報顯示嘅電子產品相片，外觀唔算吸引，不過佢多年來起起跌跌，生意猶在，證明競爭力可長期保持，唔使理佢啲產品賣畀邊個，總有人肯買。況且講緊佢淨現金每股2.3元，佔市值六成。
小型工業股，估值註定長期偏低，往績顯示，愛高市盈率上升周期大概升到8至9倍，扣除一次性收益後，歷史市盈率大概7.4倍，估計仲有一兩成上升空間，配合張靚圖，睇4.5元。
炒業績的話，可以留意嚇擎天軟件（1297），估值長期偏低，歷史市盈率24倍唔夠，但賬面盈利年年有唔錯增長，相信今年上半年數字唔會令人失望，股價剛轉強，似乎業績前後可以keep住升，可短線走一轉。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
