唔怕大時代
2016/08/01 09:31:51
網誌分類: 經濟
有銀行請了鄭少秋秋官拍了條片，講「必勝股票法」，有網友好認真咁私信問我兩個問題，第一怕唔怕秋官出場又有「大時代效應」，第二片中提到必勝股票法係「真免傭」有無用(想睇有關片段可上https://www.facebook.co
m/Bastillepost/videos/437565143080407/)
老實講，我自己私下成日同朋友講大時代的笑話，但從未認真對待，但好多時股市升得多、成為話題時，就有人?番秋官套大時代出來玩，甚至特登搵秋官出嚟拍嘢，股市升得多就會跌，試一兩次好似啱，就易有聯想。我話唔怕大時代，只怕自己?住衰股、貴股。
至於「真免傭」作用大唔大，好多網友留言話銀行只是免傭三個月做促銷無用。我識一個有水阿伯，最喜歡用大錢買超級大股走幾格，通常日中見大股跌得多，就入市?，一反彈就走，用兩百萬賺幾千。佢以前玩內銀，而家玩騰訊(700)
，睇錯咗就坐。我話呢啲叫做有錢人行徑，因為佢大把身家，?兩百萬炒股只係零頭，叫做有嘢做過?日神，輸咗放埋一邊，但普通人無咁多身家，輸咗責住全副身家，自然玩唔起，唔好學。 呢個阿伯就係邊度有新證券行或銀行新優惠免傭，佢就走去開戶，但免完傭佢就走，佢話一年有9個月佢都免緊傭，真係俾佢吹漲。結論係炒即日鮮免傭好重要，但你唔係日日炒，免唔免傭關係唔係咁大。
講番個市，中國6月製造業採購經理指數得49.9，低過市場估的50，亦在榮枯線下，顯示中國經濟仍然好呆。
另外美國聯儲局7月議息會議決定維持利率不變，似乎在告訴大家，美國經濟唔係你哋想像中咁好。果不其然，上週五公佈的第二季度GDP增長只有1.2%，遠差過市場預期的2.5%，第一季增長更加由1.1%向下修正到0.8%。
經濟唔得，美股上周五早段腳軟，全賴油價反彈，朝早由40.5美元反彈超過1美元至41.6美元，在能源股帶力撐下，美股由跌轉升，之後橫行到尾。標準普爾500指數收市升4點，報2174點，盤中一度升上2177點的歷史新高。能源板塊表現最好，漲0.7%。杜指收市微跌24點，報18432點；納指繼續跑贏大市，升7點至5162點，係今年最高。納指7月份表現就至威水啦，大升6.7%，全賴科技股同醫藥股，分別大升8%及4.9%，係7月表現好的兩個板塊。
而標普500指數7月份升3.7%，表現亦唔錯，十大行業板塊中，電信服務和公用事業表現最好，漲幅都超過21%，金融、醫療保健板塊表現墊底，上半年均出現負收益。
Key Private Bank的首席投資策略師認為，美國經濟正在增長，但速度唔顯眼，增長最終還是依賴個別企業的盈利表現，而最近的美企盈利報告顯示，「科技股正在處於一個高增長環境」。
而摩根大通美國股票策略師亦認為，低波動性和可持續性收入的行業如必需消費品、電信和公用事業等，相對於醫療保健和科技等增長板塊已經「顯得昂貴」。鑒於美國大選不確定1性正被消化，而市場對聯儲局的加息態度的預期「非常鴿派」，預計美股板塊持倉情況將轉變，必需消費品等防守性股票將面臨風險。看來，市場仍然比較睇好科技股。
睇美股上月走勢，就知港股表現好的超級科技股和高息股，只是跟美國炒。
陸羽仁
回應(11) 我想回應
陸羽仁 BLOG 舊文
來源 source: http://blogcity.me
