亮說亮話：樓市早已被開鑊
■樓市如果不被開鑊，樓價大上大落，絕非香港市民之福。 資料圖片
近日最熱門話題當然是遊準議員忘記列祖列宗，情願做被人侮辱的支那人。佢要做都冇辦法，但唔好要全香港市民跟她一起做，遊準議員語出驚人並不是今日的事，較早前更話年輕人冇地方撲嘢。遊準議員女仔之家，
開口埋口講撲嘢唔係幾好，應該講開鑊，不過開鑊其實不是形容男女苟合之事，而是一個化學反應，但大家唔知道又唔出奇，因為現在的鑊不用開鑊這個程序。
有老友知道浸大頒了一個化學院士給我，除了質疑校長錢大康是否瞓著覺之外，並懷疑我對化學是否略懂一二。自從浸大頒了一個化學院士給我之後，我便開始寫一本以化學原理同反應來講解樓市的書，其中之一就是「開鑊」，開鑊其實是鋼化程序，以往用的生鐵鑊在使用之前，必須要用油和韭蔥放在鑊中以高溫不斷炒，直到韭蔥變碳，新鑊變成黑色，表示完成鋼化程序。
現在香港的樓市亦是一樣，三種特別印花稅以及逆周期措施，就好似韭蔥同油在新鑊以高溫不斷炒，經過五六年時間，兩款辣招都變成碳，樓市基本上亦已經鋼化，亦所謂被開鑊，雖然並不能夠說樓市是硬如鋼，但可以承受忽冷忽熱衝擊，給予政府足夠時間在樓市受到衝擊時，調整一下壓抑樓市措施，甚至推出一些挽救樓市方案，有時回想，樓市如果不被開鑊，樓價大上大落，絕非香港市民之福。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com
