智取大市：遲早破頂穩陣股
■港美股上星期四「背馳」後，港股未成功追落後。 資料圖片
港美股上星期四「背馳」後，港股未成功追落後，似乎氣勢偏弱。內銀、商品股等中資藍籌股主動沽盤多過買盤，明顯有資金流走，但股價又未至於離高位太遠，相信未有耐吸引投資者撈底，有內銀拖後腿，恒指好極有限。部份資
金流向防守性較強嘅燃氣股同電力股，其中，新奧燃氣（2688）最近3個交易日，連續三連陽，股價升超過一成。
話說新奧喺今年1月20日，同野村做咗一單價值3.9億元股價對沖合約，一年到期，簡單講，只要股價高過35蚊，野村將會向新奧賠差價，公司解釋係因為2018年有5億美金嘅可換股債券到期，對沖「是為了對沖未來股價升值的風險」。好揀唔揀，選擇今年1月做呢樣嘢，大可理解為公司高層睇好未來一年股價。2016年新奧冇乜大上落，但睇嚟高層真心估計股價會升，正回報理應穩陣。
燃氣行業跟隨內地工業運行，有見及內地PPI開始見底回升，睇嚟工業需求將會支持燃氣股收入表現。如果話燃氣公司今年環境勝舊年，絕對合理不過，估計今年高位好大機會高過舊年低位。不過，燃氣股短期股價難捉摸，三連陽之後，建議候低吸納。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com
